كوووكتير من الاخوات هنا شفتهم بيسالو عن طريقه سلق الكرنب خصوصا المعرق منه واد ايه بيغلبهم
خصوصا الاخوات المقيمه خارج مصر عشان كده قلت باذن الله لازم اعملهم موضوع يسهل عليهم ان شاء الله
بس ياريت المصريات المقيمات داخل مصر ميتريقوش على الكرنب عشان هو هنا بيتباع صغير كده انما في مصر ماشاء الله
الكرنبايه بيكون قطرها من عشرين لخمسه وعشرين ههههههههه ربنا يبارك
وكمان الكرنب اللى مش معرق هنا يعتبر معرق بالنسبه لمصر فلو سمحتو راعو النقطه دى هههههه
اول حاجه نجيب الركنبايه ونحدد راسها بالشكل ده
بعد كده ندخل السكينه ونقطعها وهى سهله خالص دخلى السكينه في كل طرف واقطعى في الاخر هتطلع معاكى الراس كلها وتكون بالشكل ده
بعد كده نكون غلينا ميه على النار ونحط فيها ملح وكمون وكمون عشان الكرنب بيعمل انتفاخات احيانا والكمون ان شاء الله هيضيعها ويون بالشكل ده
بعد كده دى اهم حته صراحه هتيجي الكرنبايه وتوقفيها بالطول عشان الميه المغليه تدخل في التجويف اللى احنا عملناه وبتكون شكلها كده
بعدين بقه زي الشطوره تقلبيها على وشها لما التحويف ياخد ميه مغليه ويتكون كده
بعد كده توطى النار شويه ولو معرقه هتقعد وقت اطول لو مش معرقه تاخدى بالك وبعد شويه تمسكى حته من الكرنبايه من اللى هى في الميه اوعى تتلسعى ههههه وتقطعيها لو اتقطعت بصعوبه شويه لكن اتقطعت يبقى كده تمام اقلبيها الناحيه التانيه كده
بعد كده طبعا الجزء اللى تحت بديهي جدا بيكون ارق من اللى فوق فمش هياخد وقت طويل بعد كده تبداى بقه بملعقه كبيره تاخدى ورقه ورقه
بدايه من فوق واحده واحده وتطلعى الورقه بالطريقه دى عشان قفضل بحالتها ومتتقطعش
بعد كده وانتى بتطلعى هتلاقي نفسك شلتى شويه ورق بس في ورق حسيتى انه لسه مش اتسلق بتستنى شويه بعد كده تبداى تشيلي تانى لحد ما الكرنبايه
تخلص وتكون بالشكل ده بتطلعيها في مصفه عشان تنزل الميه اللى فيها وتكون دافيه وانتى بتقطعيها
بعد كده يا حلوين نيجي للنقطه الحلوه الى هى تقطيع الكرنب هتيجي ورقه الكرنب وتقفليها نصين تلقائيا هتلاقي العرق فوق عامل زى القوس
هتبداى من تحت بالسكينه وتطلع لاخر العرق لحد ما تفصليه عن الورقه خالص كده
بعد كده والورقه مقفوله نصين كده لفيها رول بايدك وهى سهله جدا والله حسب ما انتى بتحبي لو بتحبي صابع المحشي كبير اقطعيه الرول حسب ما تحبي انا احبه صغير فعشان كده قطعته كده
بعد كده هتكون خلصتى كل الورق تقطيعه من العروق هتمسكي كل ورقه وتفرديها وتقطعيها برضه حسب مزاجك الافضل والاحسن يكون طول الورقه وانتى بتقطعيها من اربعه سم الى سته سم عشان لما صابع المحشي وهو بيستوي ويغلى ميخرجش من الرز ويكون ملفوف كووويس
وانا كده قطعت المحشي وحشيته اكيد طبعا شفتو موضوع ماريا الحبوبه بتاع المحشي اعملو الخطله زيها بالظبط انا بعملها زيها
وكمان اسقو المحشي زيها بالظبط ومش هتندمو ان شاء الله
وفي الاخير دا طبق المحشي ومعاها متطلباته هتلاقو في الصينيه طبق رز احمر الطبق ده لما بيتبقى خلطه من بتاع المحشي بسويه في حله جانبيه
واغرفه مع الاكل بيكون طعمه خطير
