رز بالبازيلاء والجزر

 

 

 

 

 

 

 

النهارده هنعرف مع بعض طريقه عمل الرز البسمتي بالبازلاء والجزر، وتقدري تقدميه كطبق جانبي.

الرز البسمتي بالبازلاء والجزر
المقادير:
2 كوب رز بسمتي
¼ كيلو بازلاء
¼ كيلو جزر مقطع لقطع صغيره
½ كوب بصل مقطع لقطع صغيره
ملعقه كبيره زيت نباتي
½ ملعقه كبيره زبده
مكعب مرقه دجاج
ملح وفلفل اسود
4 كوب ميه

الطريقه :
1- اغسلي الرز وسيبيه على جنب ينشف، وبعدين شوحي البصل في الزبده وسيبيه على جنب، وبعد كده حطي البازلاء والجزر في ميه على النار وضيفي عليهم الملح والفلفل الاسود وسيبيهم على النار لحد ما يغلوا.

2- ضيفي عليهم مرقه الدجاج والبصل وسيبيهم على النار لمده 3 دقائق، وبعد كده ضيفي عليهم الرز وسيبيه يستوي على النار لمده 15 دقيقه ، وبعدين سيبيه يبرد لمده 5 دقائق، وبعدين قلبيهم كلهم مع بعض كويس، وقدميه.. وبالهنا والشفا.ممكن تضيفي الكركم على الرز

خلصت وصفتنا النهارده..
استنونا كل يوم مع وصفات جديده ..
سلام،،،