صور مفتول جديد

جزء كبير من كلمات  النص بالنكهه العاميه الفلسطينيه بدكم تتحملوني

حكي فاضي ..!!

ما في ازكى من اكل الام

لو كبرنا وسافرنا وتغربنا وتزوجنا وتركنا بيوت امهاتنا رح نظل نحن لاكلهن ولايامهن  ، فدرويش لم ينس خبز وقهوه امه طوال سنوات  منفاه  وغربته وفي كل مناسبه كان يردد قصيدته الجميله ” احن ال خبز امي ..”  حتى حفظها العالم واصبحت نشيدا وطنيا ،  حال درويش حال الكثيرين منا فانا مثلا تغربت ببدايه شبابي وتزوجت بعد ذلك  ولا زلت احن لاكل الوالده اطال الله بعمرها ..

كنت قبل يومين عند صديقي ابو الصابر  وحدثني عن قصته مع مفتولات   زوجته ،  ولن ابخل عليكم بها ما دام حديثنا عن المفتول الفلسطيني..

اشتهى ابو الصابر  اكله مفتول فطلبها من زوجته ام الصابر   ..

المسكينه ما حبت تخيب ظنه  فيها و تقولو ما بعرف اعملها . وقلتلو يومها :

ولا يهمك يا ابو الصابر  بكره غداك مفتول من ايدين حبيبتك  ام الصابر ..

جاء بكره ويومها ما  افطر ابو الصابر   وهو  عم بستنى بمفتولات ام الصابر

معده ابو الصابر  عم بتطرق  وبتسعجل بالغداء

وضعت ام الصابر  مفتولاتها ، وشمر ابو الصابر  عن ايديه وجهز اكبر معلقه لاقها بالمطبخ – تقولوا مغرفه    – وقبل ما ينزل طحن  ، جلس   يتامل بطبق المفتول المزركش بالحمص والجزر واللحم  واللوز   ويقول بعقله منين بدي   اوكلك يا مفتولتي ..!!

ملعقه واحده كانت كفيله بايقاظ ابو الصابر  من احلامه المفتوليه وتذكره انه بحضره ام الصابر  مو بحضره  والدته الشهيره بعمل المفتول

فشتان بين بنات الميكروف والفول اتوماتيك  وكل شيء جاهز  وبين بنات الطوابين والطبخ والنفخ  على النار

اتضح لابو الصابر   انهن  مفتولات ام الصابر من المفتول الجاهز يلي بيبعوا بالدكاكين  ويلي  ببيصنعوا من الطحين الابيض وطعمه بيختلف اختلاف كلي عن طعم المفتول البلدي المصنوع من طحين القمح البلدي  الاسمر ..

قرر ابو الصابر  انه يصطحب ام الصابر لبيت والدته لحتى تتعلم عمل المفتول الفلسطيني على اصواله

وعلى راي المثل

اعطي الخبز لخبازه حتى لو اكل نصفه

وما رح ابخل عليكم جيران الاعزاء بجوله مصوره   مع مفتولات الوالده “ ام سامح “ اطال الله بعمرها وهي تنافس ام الصابر بعمل المفتول الفلسطيني  :

بنجيب الطحينات “ طبعا طحين بلدي اسمر “

بنحضر المفتوليه  ،ويلي ما بعرفها يسال عنها

وهذا البرغل المنقوع بالماء

نضعه “اي البرغول” بسطل المفتول

ونبدا باضافه الطحين عليه والفل

ولا زالت ام سامح بتفل بالمفتول

بعدها بنحضر الكمده وهي بقدونس ونعناع وبصل وبهارات تعطي النكه للمفتول

ولا تنسوا اضافه زيت الزيتون للكمده

وهلاء جهزت الكمده

بنضيفها على المفتول يلي بالمفتوليه

قبل ما نحط المفتوليه  بالمفتول على بخار الماء علينا اضافه قطعه حامض للماء يلي بالطنجره حتى ما تسمر ” تسود ”  الطنجره

واتفتل على راحتك يا مفتول

طبعا بينضاف الو مرقه   ” شوربه   ” حمرا اضافه للحم والحمص واللوز والجزر وووو حسب زوقكم     وصحتين ومليون عافيه