قصه زوجيه سعيده
فيصل: السلام عليكم**
امل : وعليكم السلام ليش متاخر يعني لازم اسخن الغدا الف مره**
فيصل؛ اسفين .. كلها يومين وترتاحين مني**
امل: اي والله اباخذ فتره نقاهه وارتاح من طلباتك**
فيصل بنرفزه: حطي الغدا**
امل تلف وجهها وتحط حرتها في الشغاله
على الغدا**
فيصل ياكل بصمت**
وامل باعلى درجات الصوت تنادي عزوز وجع ان شاء الله تعال تسمم ،،، دانه اجلسي الله ياخذك**
قام فيصل يرتاح**
في اليوم الثاني**
يالله تجهزوا عشان اوديك لامك ولاتنسين اغراضي لا ينقص شي..**
امي مسافره عند خالتي بروح لاخوي خالد**
لا لا خالد احواله تعبانه وماودنا نكلف عليه روحي لمحمد ازين**
امل: لا تكفى قيس وليلى استحي احسهم في عالم ثاني**
فيصل بينه وبين نفسه ماالومه شكله مبسوط الله يهنيه ولا يحرمنا**
في غرفه النوم**
امل ترتب الاغراض وتصيح على الخدامه**
وفيصل على السرير : امل تعالي ابيك شوي..
امل بدون اهتمام ؛: مشغوله الحين ماني فاضيه**
فيصل : دقايق بس**
امل؛ والله انك فاصي قول وش تبي ..**
فيصل بحب : بتوحشيني**
امل : انت رحت عشان اوحشك وتضحك بصوت مزعج
فيصل بنرفزه: انا انتظرك برا لا تتاخري**
امل تصيح عزوز تعال بسرعه عساك العمى..
**ميري جهزي العيال بسرعه..
وفي السياره**
امل مشغوله طول الطريق برسائل الجوال**
وفيصل يناظرها بتعجب**
فيصل: يالله حبايبي وصلنا كل واحد يعطيني. بوسه**
الاولاد يودعون ابوهم وامل تاشرله من بعيد باااااي ..
محمد فتح الباب هلا والله بالغاليه**
امل : الله يسلمك**
من بعيد نسرين جايه لابسه برمودا جنز وتي شيرت وردي ومكياج ناعم : وبكل غنج هلا والله ميمي نورتي البيت وتلتفت على الاولاد بدلع هلا حبايبي وحشتوني وتبوسهم واحد واحد..
جلست امل في الصاله **ريحه الفواحه ماليه البيت هدوء وراحه عجيبه في البيت
تسولف هي ومحمد وتدخل عليهم نسرين وتحرك راسها بنعومه يللا مودي العشا جاهز
يللا ميمي الله يحييك نورتي البيت**
امل : الله يسلمك منور بوجودك ..
نسرين بنت نعومه وتحب نفسها كثير متوسطه الجمال والبياض قصيره بشكل عام عايديه**
محمد ملامحه حلوه اسمر وطويل**
يحب زوجته وهي تحبه وعايشين حياه سعيده الكل ملاحظها عندهم ولد ولهم اربع سنين متزوجين بس اللي يشوفهم يقول كانهم عرسان..**
على العشا
**امل تاكل وتتابع حركات نسرين ونظرات محمد**
نسرين تاكل بهدوء **ومحمد يقطع لها اللحم**
امل في نفسها : حليلك ياحليمه بولند **والله يا اخوي ماتنلام شفت شي ماقد شفته غنج ودلع ..**
وتذكرت نفسها كيف تجلس على الاكل وتتربع وتشمر يدها وتقطع الدجاج بحماس وتاكل بسرعه وضحكت على نفسها وشرقت عالاكل**
كح كح كح**
نسرين بسم الله عليك ياحياتي خذي مويه وتعطيها الكاس شربته امل وهي كاتمه الضحكه..
راحوا ينامون**
جهزت لها نسرين الغرفه وسالتها اذا تحتاج شي ..
امل : تسلمين**
نسرين : اذا احتجتي اي شي لا تستحين ياعمري البيت بيتك سلام**
امل تكلم نفسها: اقول ياحلو لسانك بس ..
ونامت **
في الصباح صحيت امل وجهزت نفسها وخرجت للصاله سمعت صوت نسرين تكلم محمد..نسرين يللا حبيبي بس هذي اللقمه عشاني
محمد :خلاص ياعمري اكلت بطني يوجعني نسرين : بغنج مثل الاطفال طيب كمل الحليب ترى ازعل علييييك**
محمد: طيب باشربها**
دخلت امل : صباح الخير**
محمد : صباح النور منورتنا والله يالغاليه
امل : الله يسعدك**
نسرين كانت لابسه بجامه مشمشي فاتح**
ورافعه شعرها بشكل مرتب**هلا ميمي بسويلك حليب احط لك نسكافه ولا تحبينه ساده وتغمز بعيونها
**امل بتعجب احبه بنسكافه**وتراقب نسرين وهي تتحرك برقه في المطبخ**
وفي نفسها ( ياعزي عنك يافيصل اسويلك الحليب في الصبح وانا معصبه وشوشتي منفوشه والنفس خايصه بعد)
محمد: يللا انابروح تبغين شي
نسرين : تحك راسها بدلع نبغى خبز ولبن وعصيرات وتغمز بعينها واشياء حلوه**
محمد: مثل ايش**
نسرين: يعني شوكلاته وشيبس وكل شي حلو**
محمد : يضحك ابشري وترى اليوم بطلعكم جهزوا الحلا والقهوه.**
توصله نسرين لعند الباب**
وفي الظهر رجع محمد من الدوام**
طبعا نسرين جهزت الغدا ورتبت البيت وقبل وصول محمد بخرت البيت ولبست فستان قصير بني غامق وصندل بني **بشرايط تنربط على الساق ومكياج اورانج خفيف
وجلست تقرا في كتاب كيف تستمتع بحياتك للدكتور محمد العريفي (لا يفوووتكم)اول مادخل محمد كانت تقرا في الكتاب ومندمجه لمن دخل محمد وسلم ردت السلام وكملت الصفحه**
جهزت الغدا وكانت سفره مرتبه والصحون شكلها حلو والتبوله مقدمتها على ورق الخس**
وكان محمد ياكل ويناظر نسرين**
امل تسولف مع نفسها معقوله كل يوم كذا ياحري لوتشوفين سفرتي صحن حديد وصحون سلطه تسد النفس لا وماعندها خدامه مثلي ولا يجي فيصل الا واخلاقي واصله حدها)
فجاه فهد ولد نسرين كسر التحفه متعمد**
قامت نسرين ليه دوودي الحين يصير بيتنا موحلو ليش كسرتها حبيبي يلللا قول وعد ياماما ما اكسر شي مره ثانيه**
فهد ؛ وعد ما اكثر ثي**
حبيبي يللا تعال كل**
امل عيونها بتطلع من مكانها( وتكلم نفسها**ياعيني قال حبيبي قال اقول هاتيه عندي وانا امعص اذنه الين يحرم يقرب من شي مره ثانيه)
انتهوا من الغدا وراحت نسرين مع محمد الغرفه**
وفي المغرب خرجوا يتمشون كانت نسرين بكامل حجابها وكانت امل تحس بان محمد فرحان بهالشي
**جلسوا في الحديقه وكانت نسرين تسولف عن الكتاب اللي كانت تقراه
وتقول قصص حلوه ومحمد منسجم معها**
وحتى امل دخلت جو معاهم … شدتها ثقافه نسرين وكيف انها تحاول تحلي الجلسه باي طريقه..
وتذكرت امل كيف كانت كل طلعه تتشكى من العيال وامه واخواته وكانت تعتبر هالطلعات فضفضه مشاكل…
فجاه نسرين تقول لمحمد حبيبي افتح لي قاروره المويه قويه مره**
امل عيونها بتطلع من مكانها **
وفي نفسهاالمويه قويه يامغص بطني مغصاه اقول ماشفتيني وانا اشيل كنبات البيت والسجاد واطلعها السطح انا وخدامتي ونغسلها الله من الدلع الماصخ**
وقامت تشوف اولادها وفي الطريق تفكر والله نسرين ماهي حلوه بالحيل مدري اخوي ليش طاير فيها..
ومن بعيد كانت تناظرهم وتشوفهم يسولفون ويضحكون حست بانهم مثل العرسان وقالت في نفسها نسرين بالها طويل مره وانا حاره وما اتحمل شي هذا طبعي مستحيل يتغير**&&&&****
رجعوا البيت وفي الليل**
امل جتها رساله من فيصل : وحشتيني ودي اكلمك بس الشباب صاكين علي**
احبك**
ردت عليه وانت بعد وحشتني متى تجي وتفكني من عيالك جننوني**
فجاه نسرين دقت الباب**
ميمي اذا مافيك نوم تعالي اسهري معي انا ومودي..
سهرت امل معهم وفجاه تركتهم نسرين**
وامل متعجبه وين نسرين غريبه تاركه محمد**
والاغرب محمد ماناداها**
ماتحملت راحت المطبخ تاخذ مويه وشافت المجلس منور ماتحملت قربت بحذر سمعت صوت ندي قربت اكثر لقيت نسرين تصلي وتقرا بصوت عذب ..
امل : ياحليلها تقوم الليل يا الله ما احلى صوتها فجاه حست بمحمد جاي للمجلس تخبت ورا الباب الفاصل**
كانت نسرين جالسه تستغفر وتسبح دخل محمد وسلم **على راسها وجلس جنبها وقالها**
الله يسعدك اذا شفتك تصلين اخر الليل يزيد حبك**
ضحكت نسرين: لاني ادعيلك ياحلو غصب تحبني**
خرجت امل وراحت غرفتها وهي مشدوده للي حصل ..
بدات شخصيه نسرين تجذب امل حست بحب لها وما تعجبت من حب اخوها**
في اليوم الثاني**
نسرين لابسه جلابيه لونها رمادي ناعمه وفخمه ومكياج وردي خفيف جدا
جهزت القهوه وحطتها لمحمد واستاذنت من امل انها بتزور ام يوسف جارتهم امراه كبيره في السن وتعيش لوحدها في الملحق..
امل : وش عندها نسرين تزور العجوزه**
محمد باعجاب : نسرين تحب تزورها لانها وحيده وام يوسف تفرح بجيتها … تصدقين امول كل اهل الحاره يحبون نسرين هي تحب المواصله خاصه الكبار والناس البسيطين
امل ساكته وتفكر:**
يا الله متى اخر مره زرت خالتي ام فيصل صار لي شهرين ماشفتها وكل ماكلمني فيصل اقوله انا ما احب العجايز ما اعرف اسولف معهم لا واذا رحت كانه قارصتني عقرب عيني على الساعه**
حست امل بانها صغيره وزاد اعجابها بنسرين..
وفي الليل بعد العشاء**
كان محمد معزوم عند اصحابه … لاحظت امل انه نسرين ارسلت ولد جيرانهم وجاب لها **تورته صغيره وعصير ..
استاذنت امل وراحت غرفتها لانها حست انه **نسرين مشغوله**
دانه كانت تبكي عطشانه تبكي تبغى مويه**
امل فتحت الباب بهدوء وخجلانه لانها نسيت تاخذ معها مويه لكنها تسمرت عند الباب منفاجاه من اللي شافته …
كانت نسرين رايحه الغرفه وشايله معها الكيك والعصير**
كانت لابسه فستان احمر دانتيل ماسك عالجسم ويصف تفاصيل جسمها وشعرها كيرلي ومرفوع بطريقه عشوائيه وصندل كعب كله فصوص …
**وريحه الفواحه منتشره بشكل يسحر والاروع شكلها وترتيبها رغم انها مو حلوه كثير لكن شكلها كان مغري جدا…
رجعت امل وهي معجبه بشكل نسرين ومستغربه وش عندها لابسه ومتكشخه لايكون بس عشان محمد والله متعبه عمرها..
وبعد دخول محمد انتظرت امل شوي لما تحس انهم في غرفتهم عشان تاخذ مويه..
خرجت وكان باب الغرفه مقفل بس لاحظت ان الاضاءه خافته… ضحكت : حليلهم شكلهم داخلين جو ..
وهي خارجه من المطبخ سمعت صوت ضحك نسرين وكانت تتكلم وتضحك بغنج ضحك متواصل حست امل جسمها يعرق بسرعه راحت غرفتها وهي تفكر وش هالجراه والله كانها من بنات الهوى الله لايبلانا بس..
حاولت تنام بس ماقدرت كانت تفكر في اللي حصل**
وفجاه تذكرت فيصل لمن قالها مره ودي تكسرين هالخجل انا زوجك ترى بيجي يوم وانحرف**
تذكرت كيف اذا كانوا في الفراش هو يتكلم ويتكلم وهي مثل الجدار لدرجه انه يسالها دايما شكلك نمتي.. كانت هالكلمه ترفع ضغطها..**
ماجاها نوم من كثر التفكير كانها بدات تحس بالنقص..**
قطع تفكيرها صوت الجوال**
نسرين**
اذا كنتي صاحيه تعالي اسهري معنا**
خرجت وجلست معهم كان محمد فرحان ويضحك وينكت بطريقه عجيبه كان باين عليه انه مبسوط**
تذكرت منظر فيصل اول ماينتهي من الفراش ينام وهو معطيها ظهره وكانه يقولها انه ماحس بالسعاده لا لا اصلا هو قالها اكثر من مره ودي تبسطيني الليله وانا كنت اظن اني اذا سلمته نفسي اني سويت انجاز …
كانت تفكر كيف قدرت نسرين تصير كذا كيف تعلمت ياربي ودي اسالها بس اخاف تضحك علي …**
محمد : ياهوووه احنا هنا**
نسرين: اكيد تفكر بفيصل
امل : بحرج لا عادي مافيني شي**
كملوا السهره وبعدين راحت امل لغرفتها وقفت شوي قدام المرايه تناظر لنفسها انا حلوه بس**
سكتت وماقدرت تتكلم طالعت في جسمها المليان كرشتها متر لقدام وشعرها مايستشور الا في المناسبات وقارنت بين نفسها وبين نسرين حست بخيبه وقالت مافي مجال للمقارنه …
اصلا عمري ماحسيت اني حاجه حلوه بالنسبه لفيصل وتذكرت كم مره لمن يشوفها تصارخ على الاولاد **يقولها**
خلاص يابو الشباب هدي اعصابك …
ونزلت دمعتها وهي تتذكر لمن حاول يخطب قبل سنه ولولا امه رفضت وحلفت عليه كان تزوج عليها …**
بكت بحراره وحاولت تهرب للنوم….
**
شعور مؤلم ان تشعر المراه انها انثى بالاسم فقط…
اليوم هو اخر يوم لامل في بيت اخوها محمد**
لان امها رجعت بيتها**
امل تتمنى تطول عند نسرين ودها تتعلم اكثر
على الغدا**
نسرين: مودي العصر ابغى ازور جارتنا اللي **في العماره اللي جنبنا ام خالد تعرفهم مسكينه مسويه عمليه**
محمد: لا**
نسرين : ليه حبيبي زارتني لمن ولدت وجابت هديه ودوم تسال عني**
محمد: زوجها مايصلي معنا وله حركات مريبه**
نسرين: ياعمري وش ذنبها هي بنت حلال وانا ماراح اروح لوحدي الجارات معي**
محمد ؛ خير ان شاء الله**
في العصر صحي محمد ومالقي نسرين سال امل…
محمد : ام عبد العزيز وين نسرين**
امل: راحت لجارتها**
محمد:ومين سمحلها تروح**
امل: بصوت عالي **عجييييييب انت قلت روحي
محمد : انا قلت خير ان شاءالله وماقلت روحي
امل : اقول ياحبكم للمشاكل يالرجال خلاص موضوع وانتهى بلا عبط**
محمد متنرفز: اعطاها نظره سكتتها**
جت نسرين وتفاجات من شكل محمد
نسرين : مساء الخير**
محمد: اهلا وسهلا حيا الله الشيخه لا حسيب ولا رقيب**
نسرين : خير مودي عسى ماشر**
محمد: انتي من سمحلك تروحين انتي ماتستحين على وجهك مالك رجال يحكمك**
انا طرطور في البيت**
نسرين : انا**
محمد : ولا كلمه لا اسمع صوتك
الشرهه ماهي عليك علي انا اللي تاركك على هواك من اليوم ورايح مافي طلعات مفهوم**
نسرين : ابشر مايصير خاطرك الا طيب**
محمد يخرج لا تنتظروني على العشا
امل: والله انك خبله كيف تخلينه يطول لسانه عليك والله ماعندك سالفه والله لو فيصل يقولي كذا كان ارميه من الشباك
نسرين: بضحك لاااااا حرام الرجال لمن يعصب مايفكر زين وكله نص ساعه ويجي ندمان وحزين على انه زعلك حتى لو ماتكلم في داخله يكون نادم**
امل **تحرك بوزها ماعجبها الكلام وتقول في نفسها ياحليييييييلك ….
في اليل رجع محمد وهم في الصاله يشربون شاي**
محمد السلام عليكم**
الكل وعليكم السلام**
محمد: تعشيتوا**
امل : الحمد لله**
محمد يطالع في نسرين شبعتوا بابتسامه**
نسرين : تبتسم الحمد لله**
وصار محمد ينكت ويضحك ويحاول يضحك نسرين**
وامل بتتجنن وتقول في نفسها ياليتك تعطيني **قلبك الوسيع ولسانك الحلو …………
**
انتهت المده وامل تجهز اغراضها ومحمد ينتظرها
**نسرين تودعها مع السلامه ياحبيبتي والله باشتاقلك**
امل الله يسلمك وفي نفسها اقول ياحلوك بس ياحظ اخوي فيك….**
دخلت امل بيت امها وبعد السلام والاحضان**
تعشوا ونومت اولادها…
وحست انها مخنوقه ودها تسولف **جلست تسولف هي وامها**
الام : عساك استانستي عند نسرين**
امل ؛ اي والله يمه الله يستر عليها ماقصرت**
الام: اي والله يابنيتي عساني ما احسدها لسانها حلو وكريمه ونفسها زينه وراعيه صلاه واخوك مايسمع فيها..
امل: في نفسها ااااه لو شفتي الشي الثاني وش تقولين دلع وغنج واناقه…
وسكتوا يتابعون برنامج**
امل : يمه بسالك وتجاوبيني بصراحه من افضل انا ولا نسرين**
ضحكت الام وبكل صراحه : انتي جمال ظاهر ونسرين جمال باطن **اظن فيصل مامصبره عليك الا حلاه وجهك والا باقي علومك شينه لسانك يلوط اذانك الله يهداك وانا امك تخرعين قبيله….
امل بحزن … ودي اتغير يمه واصير مثل هالحريم السنعات بس ما اقدر…
الام بعصبيه:وليه ماتقدرين يعني هم حريم وانتي لا**
الحرمه الصاحيه تاكل رجالها بالطيب والدلع والاستقبال الزين …خليك على حالك لين تشوفين الحرمه الثانيه الظاهر انتي مايصحيك الا حره الطبينه**
امل: يمه فاولي خير وش هذا**
الام : والله يابنتي ابغى لك الزين واخاف يتزوج فيصل واموت انا وياك من القهر..
امل : افففف يمه لهالدرجه انا خايصه يمه والله بيتي وعيالي وانا دايم نظيفين والاكل من احسن شي وش يبغى اكثر…
الام: هذاك اول وانا امك الحين رجالكم مايبون كذا**
امل استحت من امها وفهمت قصدها
الام: والله يابنيتي اللي يشوفك يقول ام ثلاثين **
جسمك مليان ووجهك باهت ولا انتي مثل حريم هاليومين اشغلتي نفسك بالبيت والاكل والنظافه ترى هذا مايهم الرجال كثير الله يصلحك وانا امك.. بروح انام**
كانت كلمات امها موجعه وقاسيه وحسستها بانها ولا شي …
وجلست تفكر وتفكر في كل الاخطاء وتذكرت كلام فيصل في اخر مكالمه
لوتشوفين المزايين كيف يطاردوني**
ردت عليه من زينك يمكن مفجوعين منك هههههههه
رد عليها طيب بجيب معي وحده واخليك تسالينها وش رايها فيني….
اااااااه ياويلي انا غبيه انا اغبى حرمه في الدنيا وبكيت بقهر ياويلك يافيصل لو تتزوج والله لاموت وبكيت بحراره ونامت…
صحيت من النوم وكانت طول اليوم سرحانه الافكار تاخذها يمين ويسار
وجلست تقرا في المنتديات ولاول مره تدخل على مواضيع تهتم بالزوج والتغييير بعد ماكانت تقرا في الطبخ والسوالف التافهه….
وجلست تتذكر نسرين كانت تهتم بلبسها كثييير وتدلع نفسها حتى كاسه الحليب ملونه بقلوب وشكلها غير**
سجادتها مميزه ومعطره ومعاها سبحه ماتفارق يدها وكمان لونها حلو**
مهتمه بثقافتها تقرا في الكتب وتجلس على النت وتشارك في المنتديات … والاهم متعلقه بالله في الصلاه وتقرا ورد يومي وتحاول تحفظ شي من القران….
وبدات امل تخطط للتغيير&&&
باقي على وصول فيصل شهرين بابدا في الريجيم وامشي ساعه في الحوش كل يوم**
وبحاول اكون جريئه في الفراش وبعود نفسي اتكلم بصوت واطي وبدلع بشتري ملابس جديده واقص شعري**
افففف ياربي يمديني اسوي كل هذا …
**كيد يمديني انا حلوه وماناقصني شي**
وبدات في الريجيم وكانت حازمه مع نفسها**
وكانت تفرح لما تشوف وزنها ينزل**
والاحلى ان امها كانت تشجعها وبدات تستخدم خلطات للوجه والبشره**
وبعد شهر وثلاث اسابيع وصلت لوزن حلو وان كانت تتمنى تنزل اكثر**
بانت ملامحها اكثر وبدات تحب شكلها ونفسها
طلبت من نسرين تروح معها السوق وطبعا نسرين كانت مبدعه في ملابس البيت**
اشترت بناطيل جنز باشكال حلوه وبرموده
وتي شيرتات بالوان مغريه وفساتين قصيره**
واكسسوارات خفيفه للبيت تخلصت من ذوقها القديم في قمصان النوم **واشترت قمصان جريئه جدا كانت خايفه ماتلبسها بس النار اللي في قلبها خلتها تشتري….**
كانت تقضي وهي مبسوطه مررره لنفسها فعلا بدات تحب نفسها**
شعرها طويل مره وماحبت تقصره بس قصته مدرج بطوله وصبغته اشقر رمادي وطلع شكلها خراااافي
اول ماشافتها امها اتفاجات من شكلها وماحست الا وهي تقول كلللللللللوش**
ضحكت امل وقالت لامها والله حسيت اني عروس يمه**
الام : ايوه كذا وين هالزين من زمان
باقي يومين على وصول فيصل**
امل تلبس الملابس وترقص في الغرفه لوحدها**
وتحاول تقلد حركات نسرين**
لبست برمودا جنز وبدي فوشي وتمشي وتحرك مؤخرتها بدلع وتنزل ترفع المنديل من الارض وتميل نفسها بقوه وتقوم بدلع وتضحك على نفسها**
توقف قدام المرايه وتقول كلمه ماابغى وتطلع شفايفها على برا وتضحك**
تغمز بعينها للمرايه وتصيح ياحلو انت**
تكلم نفسها في المرايه وتلعب بخصلات شعرها : اخخخ والله اهبل**
وكانت كل يوم تسوي حركات قدام المرايه وتضحك بفرحه لتغيرها وتتذكر حركاتها زمان**
اليوم بيوصل فيصل الساعه ثمانيه…..
**
راحت هي والخدامه من الصبح رتبوا البيت ونفضوه غيرت المفرش بلون احمر ووزعت شموع باشكال حلوه ونثرت ورد طبيعي على السرير حست فعلا انها عروس اشترت فواحه وحطتها عند مدخل غرفه النوم..**
وطلبت عشا من برا**
وراحت تجهز نفسها…..
انتظروني في الجزء الاحلى ولا تقولون بسرعه هذا الجزء بالذات يبغاله روقااااااااان**
في حفظ الرحمن احبتي &&&&
الساعه الثامنه**
امل قلبها يرجف شعور داخلي بانها عروس احساس بالفرحه والانتصار**
يا الله ما اجمل الاحساس بالتميز بالانجاز**
بالحب بالسعاده حست امل بشعور غريب فرحه عاااااارمه هذا قبل لايشوفها فيصل وكيف لو شافها….
قطع تفكيرها صوت الباب ينفتح …. دخل فيصل وهبت عليه رائحه حللللوه ذكرته بايام الزواج الاولى ….
قفل الباب والتفت &&&&&&&
امل**
فستان احمر صارخ ماسك على الجسم قصه تبرز الصدر بشكل مغري وفتحه من الامام الى نصف الفخذ مزينه الساق بنقش حنا جسم رشيق**
شعر اشقر متدرج بطريقه ساحره**
رسمه عين مدخنه وروج احمر مع شفايف ممتلئه مثل حبه الفراوله….
والاعذب من هذا ابتسامه شوق تسحر ونظره تقول انا مشتاقه لك… جمال طاغي ….
وقف فيصل ثواني بعدين ضحك بخجل**
قربت منه صوت نفسها خانقها كانت مرتبكه بس المهم انها تبادر**
ضمته بدلع هلا حبيبي وحشتني**
طالعها بشوق كانت حاسه انه وده ياكلها**
هلا ياروحي وش هذا الزين شكلي بسافر كل شوي**
رمت نفسها في حضنه بدلع والله ما اخليك تسافر مره ثانيه…
فيصل: وين الاولاد**
امل: خليتهم عند امي عشان ناخذ راحتنا**
فيصل يناظرها ومتعجب هو فهم ان هذا يعني انها تدعوه للفراش وبفرح**
قالها حلو كذا يحلى الشغل**
ضحكت بغنج وفي نفسها تقول ماشفت شي
راحوا غرفه النوم تفاجا من المنظر**
سحبها مع يدها**
مشتااااااق لك**
امل : لا لا لا اول تاخذلك دش وبعدين نتعشى وبعدين نلعب وغمزت بعينها**
فيصل: صار مثل المجنون حست بنظراته انه مشتاق وفرحان ووده ياكلها …
امووووول تعالي خلي العشا شوي والله ماني جوعان**
لا لا لا وتحرك راسها بدلع اول نتعشى**
اخذ دش**
وجلسوا على العشا**
كانت تاكله وتسولف معاه بدلع متقن وتكلمه وتلعب بخصلات شعرها وتضحك بغنج**
وهو مندمج معاها**
وش ذا الزين امول احلويتي**
امل : عيونك الحلوه**
فيصل: عروس اليوم ماشاء الله**
امل: تعض شفايفها برفق وانت العريس**
فيصل: يضحك ويحد النظر فيها**
امل مرتبكه باقي الخطوه الاهم الجراه في الفراش حاسه بخجل وخوف وتردد**
ونفسها ترد عليها ماسويتي شي حرام هذا حلالك وتذكرت سالفه انه كان بيتزوج وانتفضت من القهر
حبيبي ماودك نرتاح**
فيصل : الاودي من زمان**
يللا تعال وسبقته بدلع ……
في غرفه النوم كانت تخطط انها هي اللي تبادر وانها تبادله نفس الحركات نفذت كل اللي قراته من اللزي منه على قوله ضباب**
بعد ماانتهت قالها فيصل خليك في حضني**
طاااارت من الفرحه وحست انها نجحت حست انها انثى فعلا يا الله الامر كان سهل وممتع بعد ….
حست بحلاوه الانتصار كان يسولف معها ما اعطاها ظهره مثل زمان كانت تلعب بخصلات شعره مره وتبوسه مره حست بحب عجيب له يا الله قد ايش ظلمته وحرمته من ابسط حقوقه نظرت له بحزن**
وناظرها : حبيبتي ابغاك تعيدين هالحركات تكفين اوعديني تبسطيني مره ثانيه تكفين**
حست بجرح كبير وندمانه على كل لحظه نسيت فيها انها انثى وبصوت مجروح ردت عليه ….**
راح اسعدك وادلعك كل يوم وكل ساعه خلاص انسى امل زمان انا الحين امل الحلوه **
ناظرها بعيون حاده : يعني وعد**
**امل : امممممم افكر … ضحك وضمها بقوه
ومرت الايام**
كل يوم احلى من قبله مع الحب والدلع بس ليش فيصل احيان يسرح بخوف ويفكر كثييييييير**
لييييييييييييييييه؟
؟؟؟؟؟؟؟؟؟؟؟؟؟؟؟؟
بعدالغداء
كان الاولاد يلعبون بالكوره ولاول مره امل تلعب مع اولادها… في البدايه كان قصدها تلفت انتباه فيصل لكنها حست بمتعه عجيبه …
حست بسعاده وتفاعلت في اللعب اكثر …. وبعد دقائق بسيطه انضم لهم فيصل …
طبعا صارت ماهره الان في الدلع … كانت تتعمد تلعب الكوره بشكل مضحك وكانت تمسك فيصل مع خصره وتبعده عنها وتسجل هدف ..
كان مستمتع ويضحك من قلبه … فجاه جوال فيصل يرن …
امل تراقبه من بعيد وتتظاهر باللعب … اول ماشاف الرقم تغير وجهه وابعد عنهم وغاب نصف ساعه وبعدين رجع وخاطره متكدر….
امل تاكدت ان فيصل مخبي عنها شئ وبدات تفكر … وهي تجهز القهوه تذكرت مكالمه صديقتها وهي تسالها في الصباح : زوجي يقول انه في ناس سالوه عن زوجك كيف اخلاقه وصلاته ؟
وختمت مكالمتها وهي تحذرها انتبهي على زوجك ..
حست امل بغصه ودمعت عيونها (اصعب شعور على المراه زواج زوجها)
ولكنها بدات التحدي وماراح تستسلم اه شكلك تزوجت يافيصل بس كيف اعرف اااه
وهم يشربون القهوه
امل : فيصل
فيصل: ياعيون فيصل
امل:اليوم ودي اخذ العيال عند امي
فيصل: بابتسامه وليييه؟
امل: بدلع مواعده واحد احبه وودي اسهر معاه سهره حلوه بس لا تعلم احد
فيصل : افف ياحظ حبيبك وبتبسطينه ؟
امل بدلع لا ااااا راح اجننه واخليه ينسى نفسه
فيصل: ياحظه .. طيب وش بتسوييين تكفييين علميني
امل تنفخ شفايفها ماابغى
فيصل: طيب جلسوني معكم
امل : لاااااا حبيبي مايرضى يغااار وتضحك
فيصل: يضحك طيب نشوف
وفي الليل امل تبغى تضرب الحديد وهو حااامي … فيصل مشتااااق يعرف وش بتسوي
امل لبست قميص نوم مغري جدا لونه موف غااامق يغطي الصدر ومفتوح من الاسفل وكلوت دانتيل وشغرها غجري وقلوس وردي فاتح
اول ماشافها فيصل قرب منها وضمها وحاول ياخذها للسرير لكنها تمنعت شوي
فيصل : امل خلااااص…امل: لا لا اول تنفذ طلبي
فيصل نخلص بعدين اطلبي اللي تبغين
امل بدلع : خلاص هونت … فيصل: لالا اطلبي اللي تبين
طلعت حبل وربطت يده بقوه (بنات اللي ماتسوي هالحركه ماعندها سالفه مررره ناااايس)
وبدات تبوسه في كل مكان وتوقف وتضحك وهو مستانس وبدات تثقل العيار شوي
نفذ صبره وصار يصرخ فكيني وهي تضحك ويحاول يحوطها بيده
فكت الحبل واستمتعوا بليلتهم ….
بعدها خرجوا يتعشون في مطعم وكان فيصل مستانس مره وبعد العشا جلسوا يسولفون
فيصل : اليوم اطلبي اللي تبينه وكل مره تدلعيني كذا لك هديه حلوه
امل استغلت الفرصه : هديتي تكون لي لوحدي وبس هذي احلى هديه
تلون وجه فيصل وضحك بحرج : انا لك وحدك ياعمري ولف وجهه بحزن
هنا امل تاكدت انه فيصل مخبي شي بس وش يكون ياربي
هل تزوج علي ولا خطب ولا سوا شي غلط برا ؟ لالا اعوذ بالله مايسويها ان شاء الله
فيصل : وين سرحان الحلو
امل: في حبيبي ,,, فيصل: ياحظه فيك حبيبك
رجعوا البيت كانوا جالسين على التي في وفجاه رن جوال فيصل تغير وجهه واخذ الجوال ودخل المكتب ,,,, لحقته امل وقربت من الباب تسمع الكلام
فيصل : هلا ابومحمد…والله ياخوي انا منحرج منكم .. ودي انك تفهمني وانا اخوك انا كنت متخالف مع زوجتي وعشان كذا خطبت اختك ولكن الامور تغيرت وانا اعتذر منك يالغالي والحمد لله انا على البر والله يوفق اختك واتمنى صداقتنا ماتتغير وهذا املي فيك ياغالي …
دارت الدنيا في عيون امل بكت بحرقه وبفرحه ..مشاااعر مختلطه … خرج فيصل وتفاجا بها وفهم انها سمعت كل شي كانت تناظره بحزن وتبكي ضمها بقوه وانهارت من البكا …
همس في اذنها: والله ماسكن في القلب غيرك يالغاليه … وفجاه تركته وراحت تجري مسكت الجوال
وكتبت رساله
زوجه اخي الدلوعه…. شكرا لك
تمت
