طريقه برياني الدياي
اول شي الدجاج تنقعينه بالميه والملح والليمون…والخل وعقب اتبهرينه واتقلينه
عقب مايخلص الدجاج لاتغيرين الزيت نفسه هو حطي عليه شرايح البصل عشان ياخذ نكهه الدياي
عقب اطلعين الدجاج والبصل
وعقب مايخلص البصل نظفي الزيت حطيه في كاسه وارجعي صبيه في القدر وحطي بس الطماط لين يذوب
وطبعا العيش اتحطينه عالنار وفيه سنوت الهندي بتاع البرياني والقرفه والهيل والقرنفل والفلفل الصغير
عقب اشخل العيش
طبعا هذه خلطه الروب تحت العيش عباره عن 4 روب صغير المراعي …والثوم ..والكزبره مع النعناع والكريبه والفلفل
عقب احط الروب في القدر واحط عليه البهارات…واخلط والبهارات هي( ملح-بزار هندي كركم ثوم 4 ملاعق وقرفه مطحونه شوي وحبهان مطحون وكرم ماسالا وبهار البرياني الهندي..)
عقب احط الدياي المقلاي
وعقب احط البصل المقلاي والطماط المشوي احطه فوق خلطه الروب عالنار..
عقب جي يصير وخليه عالنار
وعقبها اخليه ينطبخ لين يصير لونه بني…وطبعا ماانسى الفلفل والكريبه والكزبره …
وعقب احط في القدر مال العيش طبقه من العيش وعقب خلطه البرياني وعقب العيش واحط عليه ليمون في طاسه مع صبغه البرياني واصبه فوقه…مع البصل المقلي والكزبره والنعناع…واحط عليه 4 ملاعق صغيره من السمن واغطيه واخليه ينطبخ على نار هاديه ..
