طريقه تسيح السمنه البلدي
الزبده النضيفه او النوع الكوبس بتكون طعمها قوى ودسمه
لما تدقويها كده تحسى بطعمها طبيعى مفيش اى حاجه زياده
كمان لما تيجى تسيحيها هتلاقيها ريحتها جامده جداا وقالبه البيت ولونها مايل للاخضر كده بس ده مش شرط حكايه اللون ده بس لو كده يبقى خير وبركه
ومع التسيح هتلاقيها بطلع كميه مورته مش كبيره لان الى فيها مورته كتير بتكون كلها لبن ومش صافيه
وكمان المورته خشنه مش ناعمه زى الرمل الناعم كده لا حبيبات كبيره اكبر شويه
وهتلاقىها مش بتقل كتير لا بطلع كميه مناسبه من السمنه
يلا نستعين بالله ونشوف الصور
الاول هنولع النار على اصغر عين ونوطى لتحت على اخر حاجه
ونحط الحله وفيها الزبده الى هتتسيح
ونقلب بقا لحد ما تسيح خالص والنار موطيها على الاخر وديه اهم حاجه
هتبتدى تطلع رغاوى زى الصابون كده كثيف على الوش
بتفضلى تقلبى بسرعه جدا عشان مش تفور منك
اول ما حس ان المورته لونها اصفر شويه اركز اوى عشان متزش فى السوا اطفى على طول افضل واقفه بردو وبقلب فيها بعد ما اتطفت عشان السمنه بتبقى درجه حرارتها عليه جدا وممكن تسوى المورته زياده عن اللزوم بفضل اقلب اول ما اشوف لون المورته بقى دهبى وحلو زى ما انا عايزه
اكون مجهزه حله اكبر فيها ميه لحد ربعها وانزل الحله بتاعت السنه فيها عشان تفقد حرارتها بسرعه وتبرد
بس كده بسبها بقا لما تبرد خالص خالص واحطها فى البرطمان بتاعى وادخلها التلاجه على
