المقادير:كوب وثلاث ارباع دقيق منخول مع 4 ملاعق كبااارنشا ومعلقتين كبااار بكينج بودر كوب سكر – 4 بيضات كبيره – 1/2 كوب زيت – 1/4 كوب ميه علبتين زبادي جهينه يعني نص كوب ومعلقه كبيره فانيلا – ربع معلقه صغيره ملح الطبخ: الطريقه السريعه ان شاء الله
بالخلاط او المضرب الكهربااائي
نخفق البيض والسكر والفانيلا والملح
لحد اما ينفش ونحط السكر على 3 مرات
ولما ينفش نحط كل الزيت ونخفق يتقلب بسسسس
وبعدها نحط الدقيق مع النشا بالتبادل مع الزبادي والميه
على 3 مرات ونخفق بعد كل مره وبكده خلصت الكيكه بفضل الله
نصبها في صينيه مقاس 26 مدهونه
وندخلها فرن حراره 160 الى 170 حراره هاديه
ومش بتاخد الا 45 دقيقه ان شاء الله
ولما تستوي وتهدى من السخونه نقلبها ونقسمها نصين بسس
ونشتري ملف شفاف زي ده بجنيه
ونقطع منه شرايط طوييييله كلها مقاااس واحد
وكل شريط طويل نلفه دااايره ونمسكه ببنسه شعر من الجنب عشان مش يتفك ان شاء الله
ولما نخلص كل الشرايط ونمسكها بالبنسه
نقطع بالسكينه دواير كيك على مقاسها وندخلها جوه القوالب البلاستيك
اللي عملناها
وكل نصف من الكيك اللي قسمناها بيدينا 6 دواير
يعني النصين 12 دايره كيك والنتيجه 12 قطعه جاتوه بفضل الله
ومن البيت بدون تكلفه بكرم الله
وطبعا فكره البنسه ربنا هداني ليها لان بصراحه لو لصقناه بلصق بيتفك
وتبقى حوووسه وكمااان فكره الشراايط البلاستيك من الملف الشفاف
بفضل الله لان مش سهل نلاقي القوالب الدائريه الستانلس
عشان نعمل جاتوه اسطواني وهيا غلبه اساسا والله هههههههههههه
وده فعلا بيدل ان ممكن من حاجات بسييطه ومتوفره
نعمل نفس الفكره اللي نتمناها بدون ماتكون مستحييله
بمشيئه الله
المهم دلوقتي قطعنا دواااير وحطيناه جوه كل قالب اسطواااني
نعمل موس الشوكولاته ونحشيه بيها وبسسس
بسم الله مقادير وطريقه موس الشوكولاته السريييييع
كوب شوكولاته – 3 ملاعق كبيره زبده
3 ملاعق كبار حليب – معلقه صغيره قهوه اختياري
معلقتين كباااار كاكاو نسكويك او خام
15 معلقه كريم شانتيه سايب او 3 مغلفات دريم ويب
نخفقهم مع كوب وتلات اربع ميه متلجه و 4 ملاعق كبيره سكر
معلقتين كبار جيلاتين بودره ندوبهم في 3 ملاعق كبيره ميه مغليه
الطريقه
في كسروله نحط الشوكولاته والزبده والحليب والكاكاو ونقلب على نار متوسطه
لما تسيح الشوكولاته بسسس
وهتبقى بحر شوكولاته لذييييييييذ يشرح القلب زي كده
ويارب يشرح قلوبكم يااخواتي دااايما بالحلو كله ان شاء الله
دلوقتي نخفق الكريم شانتيه مع الميه المتلجه و4 ملاعق كبيره سكر
وننزل عليهم بالشوكولاته السايحه مع الزبده ونخفق
وندوب الجيلاتين في الميه المغليه ولما تهدى حرارته 5 دقايق
نصبه على موس الشوكولاته ونخفق عشان تتقلب كل المكونات
وبقى عندنا موس شوكولاته في اقل من ربع ساعه بفضل الله
ونصب موس شوكولاته في القوالب البلاستيك اللي فيها كيك
لنص القالب زي كده
وننقلهم لصينيه جنب بعض
وندخلهم التلاجه عشان الموس يتمااااسك 4 ساااعات ان شاء الله
ولما تتماااسك ماشاء الله نطلعها نقشر الشريط البلاستيك
بكل سهوووووله زي كده وهتبقى متماسكه وجمييييله اووووي زي كده
ويارب كل ايامكم يسر وسهوله ورااحه بال يااحلى اخوااات بامر الله
وطبعا الشرايط البلاستيك نغسلها ونستخدمها تااااني
ان شاء الله
ودلوقتي نعمل صوص شوكولاته سريييييع اووووووي
عشان نغطي بيه الجاتوه الاسطواني
وهو مش اساسي وممكن نقدم الجاتوه الاسطواني
كده بحيث تبقى ظاهره قطعه الكيك من تحت والموس فوقها
بس صوص الشوكولاته بيدي لمعه جمييييله اووي ان شاء الله
بسم الله صوص الشوكولاته
كله في كسروله
ربع كوب زيت – نص كوب حليب – كوب و 1/4 سكر
و4 ملاعق كبيييره كاكاو -نص كوب ميه – معلقه كبيره نشا
رشه ملح وفانيلا
معلقتين شوكولاته اختياااري او نسكاافيه برده اختياااري
كل المقادير نحطها بكسروله ونقلب بمضرب لما تغلي
نطفي عليها ونخليها تبرد وتهدى حرارتها
نحط كل قطعه جاتوه على مقصوصه او كبشه مخرمه
وننزل عليها بصوص الشوكولاته عشان يغطي قطعه الجاتوه من جميع الجوانب
وكل اما نخلص تغطيه واحده جاتوه نحطها في صينيه جنب اختها
ولما تخلص كل الكميه ندخلهم التلاجه ساعه بس عشان الصوص ياخد مركزه
على الموس ويبقى بااااارد على قلوبنا وقت مااا نستمتع بيه في الحر ده
