طبعا اغلب التاجرات بتسال عن افضل شركات الشحن وبافضل الاسعار وفى كمان تاجرات جديده بتبقى عايزه تعرف افضل الشركات ايه من حيث السعر وخدمه التوصيل
فانا الحقيقه ماكانش عندى خلفيه خالص عن الاسعار
ولكن علشان بشتغل فى شركه استيراد وتصدير وكنا بنتعامل مع شركه ارامكس بس ماكنتش اعرف الاسعار ايه لكل محافظه ودوله
لكنى اتكلفت انى اجمع عروض اسعار من شركات شحن متعدده فقعدت دورت على شركات كتير جدا وفعلا واتصلت بيهم علشان يبعتولى عرض اسعار
منهم (ارامكس – TNT- يونيفكس – ميدل ايست – اسكاباد – ارو اكسبريس) واتصلت بشركات تانيه بس ماردوش عليا
وعملت فرز لافضل الاسعار وكانت كالتالى
افضل الاسعار المحلى شركه (ميدل ايست – يونيفكس) بالترتيب هما نفس الاسعار تقريبا لكن الى بيميز ميدل ايست انها بتاخد على الكيلو الزياده بعد اول كيلو من 2.5 جنيه : 3 جنيه
لكن يونيفكس كل كيلو زياده بيزودوا 6 : 10 جنيه
اما بالنسبه لاسعار الدولى فافضلهم TNTوبعدين ارامكس
وعلى فكره ياجماعه الشركات دى لما تحبى تتعاملى معاهم ماتاخديش السعر وبس ممكن تنزلى لحد النص كمان
مره كنا عايزين نجيب شحنه من فرنسا (اوراق) يعنى نص كيلو اتصلنا بارامكسوقالت السعر 41.5 $ وبعدين حاولت انزل شويه قالتلى 35 $ وقولتلها انه فى سعر25 $ متقدملى وافقت على السعر ده
