برياني دجاج باستخدام الضغط fبرياني دجاج باستخدام الضغط…..
كيفكم ياحلوين ؟؟؟؟
اليوم جبت لكم طريقه برياني ع قدي برياني دجاج بالزبادي ماياخذ وقت معاك وفوق ذلك طعم حلو وبانز ل الخطوات خليكم معاي يالله نبدا
بسم الله
1/نحتاج راس بصل كبير مفروم ونضيفه للزيت الحار في القدر(قدر ضغط) حتى ياخذ لون خفيف
وبعد كذا نجيب الدجاج المقطع ثماني قطع انا استخدمت دجاجه وحده بس ونضيفها للبصل
..وتشوحينها شوي
2/بعد كذا تضيفين البهارات وهي عباره عن :
2م ك كاري مطحون ماركه السفينه
1م ك دارسين مطحون
1م ك فلفل اسود
1 م ك كمون مطحون
1 م ك كركم اصفر
نصف م ك عويدي مطحون
حبه ليمونه سودا
رشه هيل
بعد كذا تخلطين جميع المقادير مع بعضها
3/الحين تفرمين نص راس ثوم مع حبتين صغار طماطم مع اثنين فلفل مع الملح حدود ملعقتين في الخلاط
وتصبينها عالدجاج بس بعد مابطلع
4/واخر شي نضيف علبه الزبادي ونخلطها مع الدجاج ونغطيه لمده نص ساعه ع نار هاديه بدون ماتسكرين قدر الضغط بالكامل يعني لاتربطين القدر غطيه بس
5/وفي النص ساعه تجهزين الرز الابيض وهو عباره عن 4 اكواب ارز بسمتي مزه هنديه ماركه الغزال منقوع نص ساعه قبل وتضيفين لها ماي مغلي مع ملعقتين ملح ناعم ونص كاسه زيت ويرفع عالنار ويترك لما يغلي دون تغطيه
ولمايتشف تماما
تصبينه ع ادجاج
وتربطين غطا القدر ويترك من ربع ساعه الى عشرين دقيقه
6/ بعد كذا تقلبينه بصحن التقديم ويزين بالصنوبر المقلي والزبيب والبصل الجوانج المقلي وممكن مكسرات مثل كاجو ولوز
وهذا الشكل النهائي وبالهنا والعافيه
