طريقه عمل الفراخ المشويه بالصور
المقادير
فرخه كامله
1/2 كوب زبده
2 ملعقه كبيره زعتر
2 ملعقه كبيره عصير ليمون ( ليمونه كامله كبيره )
بشر ليمونه
كسبره ناشفه
بهارات
ملح وفلفل
نجيب الفرخه ونغسلها كويس اوي
وانا هنا جبت فرخه بلدي لاني بحب البلدي جدا
بس براحتك لو بتحبي الفراخ البيضا مفيش مشكله
بس الفرخه تكون صغيره مش كبيره
علشان مايكونش فيها دهون وكمان تستوي بسرعه
ونفصل الجلد عن اللحم
بعد كده نعجن الحشوه مع بعضها
وعلى فكره بالنسبه للناس اللي بتعمل ريجيم مايخافوش خالص من الزبده اللي هتحشوا بيها الفراخ
هي هتدي لون ذهبي بس للجلد من بره
وهتسيح وهتنزل كلها مع الصوص
وممكن تكبيها بعد ما الفرخه تستوي
غير كده احنا بنشيل جلد الفراخ عند الاكل
بعد كده نجيب صينيه نخرط فيها بصله كبيره
وتكون متبله بالملح والفلفل
وممكن نحط عليها اعواد زعتر
بعد كده نتبل الفراخ ونحشيها بالحشوه من جوا
مابين الجلد واللحم
ونكتفها كويس جدا
نلف الجناح من ورا عكسي
والوراك ممكن ندخلها في الفرخه نفسها او نلفها بخيط دوباره
ونحطها فوق البصل في النصف
ندخلها فرن يكون متسخن قبل كده ونسيبها لمده 10 دقائق على نار عاليه
ونخرجها تاني نلفها بورق سيلفر
بعد كده ندخلها الفرن على نار متوسطه
نسيبها لمده نصف ساعه
وبعدين نهدي عليها النار ونسيبها تستوي براحتها ع الهادي
- فراخ مشوية بالفرن
- صور فراخ
