طريقه عمل القطايف بالصور
هنبدا بعمل العجينه وهيي عباره عن
_ 2 كوب طحين فرخه
– 2 كوب حليب سائل
– معلقه صغيره خميره
-نص معلقه بيجنج بودر
-معلقه صغيره سكر
-ربع معلقه صغيره ملح
للحشوه
– نص وقيه جوز
-معلقتين سكر
او
– علبه قشطه
– عسل
اول شي رح نخلط الكوبين الطحين مع الخميره والبيجنج بودر و كميه الملح و كميه السكر المذكورين فوق وبعدين رح نضعهم بالخلاط ونسكب فوقهم الكوبين الحليب و نخلط دقيقتين ثم نتركها بالخلاط او باناء اخر حتى تختمرلمده ساعه وهي الصوره بعد ما اختمرت العجينه بس انا عملت نص المقادير بلاول كتجربه ووقت نجح رجعت عملت مره تانيه 
و بعدين بنبدا بسكب العجينه بالمقلاه وطبعا يشترط مقلاه تيفال ولا نضع اي شيء لا سمنه ولا زيت ولا شي فقط العجينه
ونتركها حتى نرى فقاعات على السطح وطبعا لا تستغرق العمليه الا ثوني 30 ثانيه تقريبا او اقل مافيني حدد تماما الوقت لان كمان بيلعب دور قوه الغاز وبعدين بنشيلها بمقشط بلاستيك عشان ما تتقحط المقلاه متل مو شايفين
بالصوره
و هيك المفروض يكون الشكل بعد ان ننتهي عملها بالمقلاه طبعا انا حطيتون بطريقه تبين الوجهين يعني اللون البني هيي الجهه اللي كانت ملامسه لسطح المقلاه
وبعدين بنجهز حشوه الجوز والسكر وطبعا فيكي تتفننني بالحشوه على زوقك وهي صوره صحن الحشوه
وبعدين بنبدا بحشي القطايف والصوره موضحه بلا ما اكتب يعني الصوره تتكلم 
وبنسكرها بهي الطريقه بنضغط عالجوانب مشان ما تفك بالفرن 
وبعدين بندهن كل حبه بالسمنه وبنصفها بالصينيه وبندخهاالفرن لمده قصيره حواي 7 دقايق وطبعا حسب حراره الفرن بتختلف المده
وانا صورتها قبل ما تدخل عالفرن بس نسيت صورها بعد ما طلعت من كتر ما كنت جوعانه ههههههههه عكل حال ما بتفرق نفس الشكل تقريبا
واكييييييييييييد ما بننسا القطر اللي كلنا بنعرفو بس انتبهو اذا كان القطر بارد لازم يكونو القطايفات سخنين والعكس صحيح يعني المفروض تكون وحده منون سخنه القطر او القطايف والتانيه بارده ..
واما عن حشوه القشطه و العسل
فكمان الصوره تتكلم متل مو شايفين بنسكر اسفلها وبنحشيها من فوق
و بعدين بنضيف العسل
و هيك بيكونو خلصو وصحه و الف هنا
- حشوة القطايف
