اهلا بيكم حبيباتى في مطبخ مايا على
بقدم ليكم فته شاورما الفراخ السوريه والثوميه
نشوف مع بعض المقادير
1/2 كجم فراخ بانيه مقطعه شرائح رفيعه
1 ملعقه كبيره بهارات شاورما
3 ملاعق كبيره خل ابيض
1 ملعقه كبيره بصل بودر
1/2 ملعقه كبيره ملح
فلفل اسود
1 حبه طماطم مقطعه مكعبات صغيره
2 فلفل رومى
الفته :
2 كوب ارز مغسول
كركم او كارى/ملح
2 كوب ونصف مياه
وطبعا عيش شامى محمر في ملعقه سمن
الثوميه :
علبه زبادى
ملعقه ونصف كبيره مايونيز
ملح/ ثوم بودر
الطريقه
انا بحب اجهز الثوميه في الاول حاحط المكونات على بعضها واقلب واضعها في الثلاجه
ودى مقاديرى
دى التتبيله
حطيت الفراخ المقطعه عليها
غطيتها بالبلاستيك فيلم ووضعتها بالثلاجه انا عموما مش بنقع كتير لانى ببقي ظابطه التتبيله بتاعتى يعنى بشتغل علطول وبتطلع نفس الطعم الحقيقه
هنا وضعت الفراخ عالنار في ملعقتين زيت
وهنا بعد ماستوت ووضعت في الاخر البصل الطماطم والفلفل الرومى
في نفس الوقت جهزى الارز ضعى ملعقتين سمن وضعى الارز فيه وحوريه عالنار وضعى عليه 2 كوب ونصف مياه مغليه عشان تنجزى بالوقت
هدى عليه النار لحد مايستوى
حمرى العيش في ملعقتين السمن
وبعدين هاتى طبق التقديم
ضعي العيش المحمر وبعدين ضعي عليه ثوميه
وبعدين ضعي عليها طبقه ارز كافيه وعليها ثوميه
احضري كيس وضعى فيه الثوميه وافتحى فيه فتحه صغيره وضعيها بشكل منمق علي الارز
صوره اخرى
ويارب يكون الطبق عجبكم
ماتنسوش التقييم
- فتة شاورما فراخ سورى
