طريقه عمل قطايف سوريه
الكميه تكفي:4 اشخاصوقت التحضير:30 دقيقه وقت الطهي:20 دقيقه المقادير:عجينه القطايف 2 كوب دقيق 2 كوب ماء دافىء 2 ملعقه كبيره سكر نصف ملعقه صغيره بيكنج بودر نصف ملعقه صغيره خميره فوريه ذره ملح الطبخ: فى بولا هنحط الدقيق والبيكنج بودر وذره الملح
وفى بولا تانيه هنخلط الخميره والمياه والسكر وهنضيفهم على خليط الدقيق
وهنضربهم كويس بالويسك او بالخلاط اليدوى لغايه مانتاكد ان العجينه مفيهاش اى كلاكيع
هنسيب العجينه تخمر لمده ساعه
وبالنسبه طبعا قلى القطايف فيه ناس بتستخدم معلقه بس انا استخدمت براد الشاى
ونبدء نقليهم فى طاسه تيفال طبعا او صينيه تيفال
فى اثناء والعجينه بتخمر عملت القشطه ودى صوره للمكونات
هنحط النشا والفايليا على اللبن ونقلبهم لغايه ماالنشا تدوب
ونحطهم على النار مع التقليب المستمر لغايه ماالعجينه تغلظ نطفى النار ونحط عليهم علبه القشطه
ونقلبهم كويس جدا لغايه ماكل المكونات تتجانس
ونحطهم فى التلاجه لمده ساعه عشان تتماسك
هنقفل القطايف بعد ماستوت بالطريقه العاديه بس هنسيب حوالى ربعها مفتوح
ملحوظه :القطايف نيه انا مقلتهاش فى الزيت انا حبيت اعملها على اصولها زى مابتتعمل فى سوريا وخصوصا مدينه حلب لانها مشهوره جدا بالاكله دى
وتحشو والتزيين
بالف هنا
- طريقۃ عمل السيالات السوريۃ
- طريقۃ عمل قطايف سوريۃ
