فطائر العجينة القطنية

المقادير..

كاس حليب بودره
كاسان ماء دافىء
ملعقتان طعام خميره فوريه
نصف كاس زيت
مقدار فنجان قهوه سكر
ملعقه شاي ملح
ملعقه كبيره بكنج باودر
4 كاسات طحين

اعجبكم وانا اقيس المقادير هع..

اعلان 3

الطريقه ..وركزوووا بالطريقه ..

يوضع الماء في زبديه كبيره ويوضع عليه الحليب والخميره ويحرك جيدا ،
ثم يوضع عليهم الزيت والملح والسكر مع الاستمرار في التحريك..
بعد ذالك يوضع الطحين (والبكنج بودر ) ويخلط جيدا واعجني على قد ماتقدري وكل ما عجنتي ضمنتي فطيره مثل القطنه
(تترك الى ان تختمر من ساعه الى ساعه ونصف وعندما تختمر انثري الطحين ثم افرديها وقطعيها واحشيها على حسب الرغبه )
وعلى ضمانتي تطلع روعه

واذا ماعجبتكم رجعوها..

بصراحه انا استخدمت طريقتين للخبز..
الاولى الطريقه العاديه ..حشيتها ودهنتها بالبيض وحطيتها بالفرن الين تحمرت..
والطريقه الثانيه بالشوايه فردتها وحطيتها بالشوايه وطلعتها وتركتها تبرد شوي وبعدين قسمتها نصين وفتحتها وحشيتها..<<يمي يمي جعت

بالنسبه للحشوات استخدمت ايضا حشوتين..
الاولى اللي بالفرن..
حطيت جبن مالح وبيضه ونعناع مجفف وبقدونس مقطع وزعتر مجفف(بري)
وعلى الوجه دهنتها بالبيض ورشيت الزعتر البري المجفف..(اوريغانو)

والثانيه المشويه ..<<تتعب الصراحه بس النتيجه شي
اول شي ندهن الشوايه بالزيت قبل نحط العجينه بكل مره ..نحط العجين لمده دقيقتين تقريبا لحد مايتحمر من الجهتين..
ونطلعها ونغطيها عشان لاتيبس..وبعدما تبرد نقطعها نصفين ونحشيها..
انا حشوتي كانت..
دجاج وطحينه وفلفل بارد وليمون..طبعا الدجاج مطبوخ..

المهم اترككم مع صور لها صح مو ذاك الزود بس والله وش اسوي توهقت..
بديت فيها الساعه 4 العصر ومالحقت اخلصها..اذن المغرب وانا ماخلصت لذلك استعجلت فيها شوي ومامداني اضبط الشكل للتصوير..!!