كيفية تحضير قلب اللوز

كيفيه تحضير قلب اللوز

المقادير
500غ سميد خشن
400غ سكر
قرصه ملح
1فنجان زيت نتاع قهوه الصغير مش الي حجمهم كبير بزاف
ماء الزهر +ماء
الشيربات
200غ سكر و نصف لتر ماء و عصره ليمون اي قد مغرف اكل
فوق نار …كي يغلي طفي عليه مالازمش جي عاقده واذا حبيتي تعطريه بماء الزهر تاني نورمال قد 4 ملاعق

نضع السميد

نضيف السكر

ثم الملح

ثم فنجان نتاع الزيت

نخلط الكل جيدا

ثم نولي نشمخو فيه بماء الزهر اذا كنتي من محبيه ريحتو في قلب اللوز شمخي غير بيه اذا ما كنتيش من محبين ريحتو بزاف خلطي ماء الزهر مع الماء وهون منقدرش نحددلك كميه لانو على حسب نوعيه السميد نتاعك كاين الي يشرب وكاين الي ما يشربش المهم انت شمخي وخلطي مليح حتي تقدري ديري كويره

ليكي حتي تقدري تشكلين كويره فما حبسي
غطيه بكيس بلاستيكي وغطاء من القماش وخليه يبات غدوه من ذاك

-اشعلي على الفرن نتاعك
– ذوبي القليل من الزبده
ادهني السينيه نتاعك بالزيت

جيبي الخليط نتاعك خلطيه مليح اذا لقيتيه شرب ولقيتيه ناشف زيديلو شويت ماء الزهر او ماء حتي تاني يتكور في يدك

حطيه في سينيه نتاعك بلا ما تضغطي عليه او تخبزيه

ديري كيس بلاستيكي في يدك واغطسيها في الزبده وادهني بيها سطحها و سقميه مليح بلا ما تضغطي

قطعيه و زينيه من فوق بحبات اللوز او كوكاو واذا ما عندكش الله غالب ما ديريش ههههههههه
ادخليه الفرن على نار هادئه باش يطيبلك غايه كي يحمار من تحت وهذا راه يبانلك على حواف السينيه نتاعك
نزليه التحت وحمريه من فوق تاني على نار هادئه
كي يحمار فرغي عليه الشيربات بارده
شوي شوي وهو يولي يشرب كي شرب زيديلو شوي خليه عايم من فوق واطفئي على الفرن نتاعك ورجعيه ليه لمده 5 ذ واخرجيه يبرد

قطعيه وخليه يبرد ويشرب في غرضو من الاحسن حتي للعشيا او غدوه من ذاك يتقطع

• كيفية تحضير قلب اللوز
• قلب لوز
• طريقة تحضير قلب اللوز
• طريقة عمل قلب اللوز
• كيفية عمل قلب اللوز
• انواع قلب اللوز
• كيفية صنع قلب اللوز الجزائري
• بسبوسه شيف لطيفه
• بسبوسة بسميدة زرع و لقمح بلا حليب
• البسبوسة السورية بالقشطة