مخلل الزيتون السريع
فى شهر رمضان مينفعش الاكل من غير المخلل و انا عندى طريقه سهله قوى لعمل مخلل الزيتون تخليكى ممكن تكليه بعدثلاث ايام فقط مش شهور
المقادير كالتالى:
كيلو زيتون +نصف كيلو ليمون + نصف كيلو جزر + ربع كيلو فلفل حار
ملح + خل + عصير ليمون+ ماء + زيت
الطريقه :
بتغسلى الزيتون كويس و تتركيه يجف وبعد كده بشاكوش خشب (الخاص بالمطبخ) او بقعركوب يفدغ الزيتون
نبشر الجزر و نقطع اليمون الى 8 ارباع(نصين و بعدين اربعه و بعدين ثمانيه ) مع الاحتفاط بخمس ليمونات للعصر
نقطع الفلفل الحار الى شرائح رفيعه
نخلط الزيتون + الجزر +الفلفل الحار و يوضع فى البرطمان المخصص لذلك
نعمل محلول ملحى باذابه اكوب ماء مع 10 ملعق كبيره ملح ثم نضيف نصف كوب عصير ليمون (حوالى عصر 5 ليمونات كبيره ) + نصف كوب خل( و يمكن اضافه ملعقتين شطه حمراء لو اردتى)
يوضع الخليط السابق على الزيتون بحيث تتركى حوالى 10 سم على فوهه البرطمان و نضع الزيت بحيث يملاء هذه المساحه و يغطى لمده 3 ايام او 4 بالكتير و دوقى احلى مخلل زيتون واسرعه فى نفس الوقت
