طريقه عمل فته الشاورما السوري
نقدم الى كل عاشقات فن الطبخ طريقه جديده لعمل الفته فى مصر والكل يفضل اكله جديده خاصه مع عيد الاضحى المبارك واليوم معانا طريقه عمل الفته السورى باللحم مثل طريقه الدجاج وكل عام وانتم بخير بمناسبه العيد الكبير
(ممكن تستخدمى فراخ او لحم)
انا استخدمت فراخ
المقادير : لعمل الفته السوريه
نصف كيلو صدور فراخ مقطعه شرائح رفيعه ( او لحمه )
حبه طماطم
حبه فلفل اخضر
بصله كبيره مقطعه شرائح
عيش شامى ونقطعه مكعبات
كوب خل ابيض (او ما يغطى الفراخ)
الارز بسمتى او ( مصرى عادى ، ابيض مستوى) الارز المطبوخ
ملح وفلفل اسود
ملعقه من السمن
المقادير لعمل صلصه الفته مثل طريقه الثوميه
علبه زبادى – ملعقه كبيره مايونيز – ملح – ثوم بودر
تتبيله الفراخ او اللحمه
فى طبق عميق نضع الفراخ وعليها شرائح البصل ونغطيها بالخل وملح وفلفل
ونغطيها ونسيبها فى الثلاجه من الليل .. وثانى يوم نطلع الفراخ فى طاسه من غير اى مواد دهنيه .. ونصفيها كويس من الخل
ونقلبها على نار هاديه لغايه ما تنزل كل السوائل اللى فيها وتشربها تانى وتنشف شويه
او للحمه ممكن نزود مياه حتى يتم النضج
ونجهز حبه طماطم وحبه فلفل اخضر
ونضيفهم على فته الشاورما اول ( الفراخ او اللحمه ) ما تستوى
ونجيب عيش شامى ونقطعه مكعبات وفى ملعقه من السمن نحمره على النار
الصلصه الفته السوريه
نفس طريقه الثوميه
علبه زبادى – ملعقه كبيره مايونيز – ملح – ثوم بودر
اخلط المقادير مع بعض وبكده جهزت الثوميه
بالطريقه العاديه نعمل الارز او باضافه الكارى
واجهز طبق الفته
اول حاجه العيش
اول حاجه العيش الشامى المحمر
وبعدين الارز
واجيب ورقه خبز واعملها قرطاس .. واملاها بالثوميه ..
وارشها على الفته رايح جاى
وبالهنا الفته السوريه فته الشاورما
