احلى شوربة كريمة
بصلة متوسطة متقطعة و مش مبشوره
فص توم مهروس و احد بس
علبة مشروم صغار او نصف علبة كبيره
2 مكعب مرقة دجاج او شوربة اللي عندها
ملح و فلفل اسود
معلقة و نص دقيق ابيض
كريمة لباني او كريمة طبيخ =انا عن نفسي بستخدم الكريمة اللباني و لاني مش بلاقيها فالقاهرة فبجيبها من اسكندرية لكن اللي مش عندة يمكن يستعمل كريمة طبيخ =او يجيبها من فتح الله
معلقتين سمنة التحضير:هتحطي ملعقتين سمنة فحلة تيفال على النار و يا ريت حلة مش طاسه
و هتحطي البصل المقطع و التوم و تشوحية بسيط اوي لغاية ما يدبل بس
ثم هتضيفي المشروم المقطع و تقلبي مدة دقيقتين
ضيفي الدقيق و بالتاكيد هتلاقية ابتدي يعمل كتله
فتضيفي بقي الشوربة او مرقة الدجاج و المية السخنة علي طوول
و تقلبي كويس جدا جدا جدا
و ثم توطي النار و تسيبي المزيج يغلي لغاية ما المكونات تستوى
اطفي بقي النار و سيبي المزيج يبرد خالص
ثم فضي الخليط دة بقي فالخلاط و اضربيه
رجعي الخليط تاني للحلة و و لعي النار علية و قلبي و يمكن يحتاج شوية شوربة كمان لانة يمكن يطلع تقيل منك
ضيفي الملح و الفلفل و لما يبتدي يغلي ضيفي الكريمة تاخد غلوتين و اطفي و بالهنا و الشفا
