عمل موس الفراولة بالصور

عمل موس الفراولة بالصور

• الكمية تكفي: 8 اشخاص
• وقت التحضير: 60 دقائق
• وقت الطبخ: 35 دقائق
• المقادير: كيك اسفنجى
  
  
  كريم شانتى
  
  
  جيلى فراولة
  
  
  عصير فراولة
  
  
  جيلاتين
  
  
  عسل جلوكوز

• التحضير: حلقتنا النهاردة حلقة رومانسية جدا جدا ارجو انها تعجبكم
  
  
  تورتة النهاردة تورتة موس الفراولة بصوص الفراولة
  
  
  الاول هنجهز الكيك زى ما شفنا فالحلقة الاولى بكيفية من الاتنين الموجودين فاللينك موجود فالملاحظات
  
  
  تانى حاجة نجهز موس الفراولة كالتالي
  
  
  اللى هنحتاجة كريم شانتية مضروب حوالى نصف كيلو (كل كاس كريم شانتية علية كاس لبن ساقع و نضربه)
  
  
  كوب عصير فراولة فريش مركز يعنى نخلطة من غير مية او شوية مية صغيرين خالص يدوب يشغلوا الخلاط
  
  
  معلقتين صغيرين او ملعقة كبار جيلاتين بودرة مدوبين فشوية مية سخنة صغيرين
  
  
  ودى صورة مقادير الصوص
  
  
  بعد ضرب الكريم شانتية هنضيف علية عصير الفراولة و الجيلاتين و نخلطهم مع بعض بالشكل دة
  
  
  وبكدة هيصبح الموس جاهز
  
  
  نبتدى نجهز صوص الفراولة لتغطية التورتة و مقاديره
  
  
  كوب عصير فراولة فريش مركز و مصفى جيدا بمصفاة سلك ضيقة
  
  
  باكو جيلى مذوب فكوب و احد ماء مغلي
  
  
  معلقتين صغيرين جيلاتين بودرة مدوبين فحبة مية سخنة صغيرين
  
  
  نحطهم على بعض و نرفعهم على النار
  
  
  بعد الغليان مدة دقيقتين نضيف ملعقة جلوكوز (تعطى لمعة للوش و يمكن الاستغناء عنها )
  
  
  نحطة على النار يدوب الجلوكوز يسيح و نشيلة و نسيب الصوص يبرد خالص
  
  
  نبتدى الشغل فالتورتة
  
  
  نجيب الكيك اللى عملناة فصينية على شكل قلب و نقطعة 3 طبقات بالعرض
  
  
  نحشى بين الطبقات بالموس زى ما اتفقنا قبل كدة بكيس انضف و اسهل من الفرد العادي
  
  
  هنا بعد حشو ال3 طبقات و الوش
  
  
  نحاول نساوى الوش و الاجناب كويس
  
  
  نحط التورتة شوية فالتلاجة تتماسك اكتر
  
  
  فى الوقت دة نشوف الصوص بدا يتماسك و لا لا لو لسة يمكن نحطة فالتلاجة شوية و نقلبة جميع شوية علشان ميجمدش و بلاش الفريزر خالص
  
  
  نصب الصوص على و ش التورتة بالشكل دة و نلاحظ قوام الصوص
  
  
  وهيبتدى يتفرد الصوص على الوش شوية شوية
  
  
  وهنا بدا ينزل على الاجناب
  
  
  وهنا عندك اختيارين اما انك تخليها كلها لونها احمر بس هتضطرى تشيلى اللى بينزل على الاجناب من تحت و تبنوتة تانى من على الحروف علشان نغطى الاجناب
  
  
  يا اما تعملى زيى و تستسهلى و تغطى الاجناب بالموس الروز زى كدة
  
  
  ودة شكلها من فوق و نلاحظ اللمعة
  
  
  نبتدى نعمل و ردات بسيطة من فوق على الحروف داير ما يدور زى كدة و ثم نعمل من تحت نفس الكلام
  
  
  وهنا بعد ما عملنا من فوق و تحت خلاص
  
  
  وصورة من زاوية تانية للتورتة
  
  
  واخيرا نكتب اي كلمة بسيطة عليها بالشكل دة و هيصبح دة هو الشكل النهائى لها