غادين تقولوا ليا صدعتينا بكيكة الككوط غادى نقول ليكم جربوها بطريقتى و غادى توليوا مدمنين عليها بحالي.فايت لى حطيتها و ينى ما شى بالتفاصيل و بزاف د الاخوات طلبوا ليا المقادير و الكيفية و الكاس د العبار.
تلبية لرغباتهن. ها طريقتى و مقاديرى كتجى غزالة و فنة و رطبة بحال الجينواز و فازكة بوحدها بلاما تسقيوها و لى كلاها عندكم غادى يحماق عليهاو ميمشى حتي يطلب المقادير ديالها.
واقيلا كترت من الاشهار ياك هههه
4 البيضات
ك و نصف سنيده
ك صغير زيت
ك كبير و ربع ما طايب مخلط بنسكافي
3 م مثل كاكاو
2 م مثل خل (نسيت ما صورتو)
3 مثل طحين
3 الخمارات
الكيسان باش كنعبر (فالصورة )كبيرة شوى حنت كندير الكيك فالككوط ال كبار (6 او 8 لتر) هداك لى فية سنيدة ربما قياس العنبة .
الطريقه
كندير سنيدة و البيض و الخل و الزيت فمولنكس
كنخويهم فشى اناء و نزيد عليهم الطحين مغربل و الكاكاو و الخمارات
نخلط مزيااان
عاد نزيد الما طايب هو الاخير
ونعملها فالككوط مدهونة بالتاكيد بالزبدة و مغبرة بالطحين
نصيحه
ديما طلعو الدهين ديال الزبدة مزيان حنت الكيك كيبدا طالع تابع الزبده
نسدو عليها بلا صفارة علي اصغر كانون و علي عافية مهييييييلة و متنساوش الحديدة تحت من الككوط (ضروري)و نخليوها 40 حتال 45د (نقلبو بالموس و اش طابت)
هاهى طابت
[/URL]
نحطوها فوق الشبكة تبرد (ما عنديش كنعدى غير بالغربال هه)
نقسموها علي 3
كناكد حتي تبرد عاد نقسموها باش ما تفرتتش حنت رطبة بزاف
كنوجد 2 بلاستيكات و حدة بها الشكلاط كحل و دانون و التانية بها الشكلاط بيض و غير شوي
الحليب باش يجى fondu )ايلا درناة بوحدا كيجى قاصح و كيتهرس ملى نبغيو نقطعو الروعة )
كنديروهم فمقراج ديال الما طايب حتي يدوبوا علي ما مونطينا الكيك
كنعمروها بالكريم باتسيير
كنفرشو تحت منها بلاستيكة و نخويو عليها ganach لى و جد و داب
وكنزوقوها بالشكلاط بيض مع الحليب او لى حبيتو انا يلا كانواجايين الضياف كندير الكركاع او اللوز فالجناب فالجناب
كنخليوها شوى حتي يجمد الشكلاط عاد نزلوها فالطبسيل
هاهي
من الفوق
من الاقوى نوجدوها فالليل كتصبح غزاله
ها ككتجى من الداخل
ها حقكم
نتمني تعجبكم
لى ما فهماتش شى حاجة انا رهن الاشاره
فى امان الله
