كيفية عمل سويسرول
4 بيضات ( الصفار مفصول عن البياض ) + رشة من الفانيلا و قطرات من الخل
كوب سكر بودرة مطحون
4-6 معالق ماء دافئ ( انتبهى غير ساخن )
كوب من الدقيق + معلقة اكل بيكنج باودر
الكيفية :
اول شئ هنجهز الصينية ندهنها زيت و نفرشها بورق الزبدة
هناخد بياض البيض نضربة كويس جدا جدا لحد ما يبقى ما رينج بالشكل ده
الاول هيعمل رغاوى نحط علية ذرة ملح و نضرب شوية و ثم نحط علية ربع كاس السكر البودرة و نكمل ضرب لحد ما يبقى ما رينج
و ثم نغسل المضرب كويس و ننشف و ناخد صفار البيض مع الفانليا و الخل و نضربة كويس جدا جدا لحد ما يبقى لونة فاتح و نضيف معة بقية السكر تدريجيا
وبعد ما يضرب كويس جدا جدا نضيف الدقيق بالتناوب مع الماء الساخن على الصفار و السكر انا حطيت تقريبا 4 م مثل ما يه
ثم نضيف بياض البيض شوية شوية على خليط الصفار و الدقيق و بالتاكيد نقلب بخفة متناهية
والان نصب الخليط فالصينية المجهزة
وندخلة الفرن على درجة حرارة 180 انا اخد معايا بالظبط 17 دقائق و يمكن ياخد من 12:15 دقائق مش اكتر عشان مينشفش
هنسيبة يهدى و ثم نكون ججهزنا فوطة نضيفة و نقلب عليها السويسرول كدة و نشيل و رق الزبدة بالراحة
نكون فرشنا و رق زبدة او و رق فويل مرشوش سكر بودرة جنب الفوطة و ننقل عليها الكيك بالراحة و نلفة كويس بالرااااحة مع الضغط علية و نقفل علية كويس اوى و ندخلة التلاجة تقريبا نص ساعة ثم نطلعة نفكة بالرااحة جدا جدا و ندهنة الكريمة الى عاوزينها انا دهنتة كريم شانتية علية ملعقتين كاكاو و م نسكافيه
ونرجع نلفة فالورق تانى و ندخلة التلاجة يرتاح
بعد ما يطلع بقى نشيل من علية السكر البودرة و نزوقة باى شكل نحبة مكسرات فواكة او نغطية تماما بالشوكولاتة او الكريمة
واحنا بنقطعة نجيب كباية ما ية سخنة ننزل بها السكين يفضل تكون مشرشرة