المقادير :
كميات متساوية من جميع من الخضار الاتية :
بندورة , خس , بقدونس , خيار , جزر مبشور , ملفوف اخضر , بقلة ( رجلة او فرفحينة ) , اوراق فجل ( اذا عندك فجل , قصى الاوراق كاملة بسواعدها و اغسليها جيدا ) و انا بحط فقط اوراق الفجل , ما بحط الفجل .
بصل : اخضر او عادي
ملح , زيت زيتون , نعنع يابس ( اطيب من الاخضر , و اروع لان الاخضر بيسود بعد الفرم )
خبز مقطع مربعات و محمص بالفرن مع شوية زيت زيتون
للتحميض : خليط من دبس الرمان , خل التفاح بنسبة تلت لدبس الرمان , و تلتين لخل التفاح ( هالخليط طعمتة جداااا لذيذة , و بتضفى عالفتوش طعمة خيالية ) .
و اذا ما عندك دبس الرمان , حطى فقط خل التفاح , و اذا ما تواجد حطى عصير ليمون .
و السر يلى راح قلكن علية هلا , و مو جميع الناس بتعرفة , لتحصلى علي فتوش طيب و متميز , هوى :
التوم , دقى شوية توم صغيرة , و حطيهن مع الفتوش ,. و بيطلع اطيب بكتير , جربو , و راح تدعولى علي هالسر , و لكن بيضل و ضع التوم اختيارى ’ و كمان بيطلع الفتوش طيب .
افرمى الخضار , و اتقيدى بالمقادير المكتوبة , افرميها فرم و سط اقرب الي الخشن
اخر شى حطى الخبز المحمص , و خلى كميتة متناسبة مع كمية الخضار الموجودة بحيث ما حدا منهن يطغي عالتانى ( لا تحطية قبل هيك : مشان ما يطري , و يتشتش ) , و قلبى جيدا , و تاكدى انه جميع الخبز اتشرب , الزيت و الحامض , و صبى الفتوش بالجاط , و فورا عالسفرة
لازم هالخطوة , لان الخبز المحمص اذا حطيتية من اول التقليب , او حضرتى الفتوش قبل الطعام بكتير : الخبز راح يطري , و ساعتها بيخرب شكلة و مذاقة , بينما بهالكيفية , الخبز بييتشرب الزيت و الحامض , و بيضل قاسى , و لمن بتاكلية , بتحسية عم يقرمش بتمك .
