بركوكس جزائري
رطل عيش مشري
بصلة مفرومة
3 فصوص ثوم
توابل: فلفل اسود+ كمون+راس الحانوت+ كسبر+ و رقة رند + قليل من النعناع + ملح
زيت
طماطم مجففة
فلفل احمر + فلفل اخضر
لحم مجفف (قديد) نشمخو شوية فالماء قبل ما نحطو فالكوكوت باش يتنحا الملح
شحمة
طماطم مصبرة
فول مجفف
بطاطا + الخضر لى تحبى انا درت غير البطاطا
ماء
ملاحظة : الملح ما نديروش بزاف لان القديد يصبح ما لح حتي كى نشلوة بالماء
– اول حاجة ديرى ماء فقدر يسخن
ديرى شوية زيت فالعيش و مبعد بخية بشوية ما ء
حطية يفور فوق القدر لى فية ماء يغلي
– من جهة اخرى
حطى البصل و الثوم و القديد و الشحمة و شوية زيت خلى الكل يتقلي ضيفى التوابل و الطماطم المجففة و معلقة كبار طماطم مصبرة و زيدى مقدار فنجان ماء و قليهم جيدا
بعدما تتقلي مرقيهم بالماء المغلى و اقفلى الكوكوت باش يطيب القديد
كى تفتحى الكوكوت بعدما يطيب القديد تاعنا ضيفى الفول و البطاطا و زيدى مرقيها شوية و اقفلى الكوكوت مرة ثانية =
بعدما تكون طابت المرقة تاعنا لوحى الفلفل يغلى شوية و مبعدا طفي
وما تنسايش العيش تاعنا لازم كلما يفور ننحية نرشو بشوية ماء و نخلية يبرد شوية و نعاود نردو يفور
حتان نشوفو طاب
نملحو شوية و نروح للكوكوت ننحى نص المرق علي جنب
ونحط العيش فالمرق لى كاينة فالكوكوت
نخلية يتجمر شويه
ومبعد كى نسربى نضيف المرق المتبقية
شهية طيبة