كيفية عمل حواوشي
نجيب لحمة مفرومة علي حسب افراد العائله
ياعني مثلا هنعمل كيلو و علي حسب حشوك للرغيف هيعملك العدد
ونجيب البصل و علي حسب رغبتك حطي بصل هنقول مثلا 4 بصلات كبار
نجيب فلفل حار و اذا ما بتحبوا الحار نجيب بارد و اذا احتاجتي بصل حطي تاني متخفيش بيصبح حلو و نجيب بقسطات مطحون و يمكن متحطيش لو مش حابه
هو بس بينفش اللحمة ما بتبقاش مكتومة لو مش عايزة بلاش ونجيب عيش بلدي من اللي هو العادي و لازم العادي و ملح + فلفل اسمر بس
ونبدا فالخلط
وحطيهم علي بعض و حطي الفلفل بعد ما يتقطع قطع صغار و البقسماط
وعليهم الملح الكافي و الفلفل الاسمر و اعجينيهم بايدك لحد ما يتقلب كويس
وهاتي رغيف و افتحية من الجمب فاتحة صغار بالسكينة او بايدك
وابتدي احشي اللحمة جوة الرغيف و هكذا
لحد ما تخلص اللحمة و العيش
وهاتي سمنة اي نوع بتفضلية و بلي اصابعك فية و حطي جوة العيش بس مرة و احدة و من فوق الرغيف
بس هيبقي نفس الشكل كده
بعد كدة حطية فالفرن لحد ما تستوي اللحمة من بس مش كلة حطي علي صنية بها كام رغيف جمب بعض و بس و لما يطلع حطي غيرة و متغلفيهوش بورق الالمونيوم
