مكرونة بشاميل بالخضار بدون لحم
نص كيس مكرونة فرن مسلوقة (بالتاكيد يمكن تزودى الكمية براحتك)
طماطم قطع صغير
فلفل اخضر قطع صغير
زيتون مخلى مقطع
البشاميل
5 ملاعق دقيق
حتة زبدة كبار
مكعب مرق (ممكن اللى مش بيحبوة يستبدلوها بكوباية شوربة )
3 كوبايات لبن و كوباية مية
ملح
فلفل
رشة جنزبيل بودر
رشة قرفة بودر
نص ملعقة صلصة
انا دايما بجيب البشاميل الجاهز بس المرة دى حبيت اجرب المنزلى و طلع جميل جدااا و طعمة حلو اوي
الكيفية
نخلط المكرونة مع الخضار
نبتدى نجهز البشاميل
نجيب حلة و نحط بها حتة الزبدة و الدقيق و نقلب كويس و يدوب الدقيق يصفر
تحطى اللبن و المية و تقلبى كويس جدا جدا لحد ما الدقيق يمتزج فيهم
بعد كدة نضيف مكعب المرق و الملح و الفلفل و الجنزبيل و القرفة
ونقلب كويس جدا جدا على نار هادية لحد ما البشاميل يتقل
انا مش بحب البشاميل يبقى تقيل اوى بحبة معقول عشان بيبقى كريمى و حلو اوى لما المكرونة تستوي
بعد ما يتقل البشاميل بضيف له نصف ملعقة صلصة بتدى لون و نكهة رائعة
كدة يصبح البشاميل جاهز
بجيب الصنية و احط بها شوية بشاميل و اضيف عليهم المكرونة و الخضار و افردها كويس فالصنية
ثم بصب البشاميل على المكرونة و اساوية بحيث يغطى السطح كله
وممكن تضيفى جبنة موتزاريلا او تركى و يمكن لا
انا المرة دى ما ضفتش حاجة
وتدخليها الفرن لحد ما تتمساك و الخضار تستوى يعنى ربع ساعة او تلت ساعة حسب الفرن بتاعك
و ثم بولع الشواية عشان تاخد الوش الجراتان الجميل
دة الشكل النهائي
- معكرونة بالبشاميل بدون لحمة