السلام عليكن اليوم حبيت نقدملكم خبز الدار بطريقتى الخاصه
صدقونى هاد الخبز خفيف جدا جدا جدا و ما يتشبعش يبان مسكوتة و زيد يحمر الوجة و يتناسب مع العرضات و العزومات نتمني تطبقوة و تردولى و انشاء الله نشوف تطبيقاتكم فالقريب العاجل
المقادير
فى صحن كبير ديرى ثلاث بيضات مع نصف كوب اينوكس زيت و معلقة كبار خميرة خميرة الخبز و مغرف ملح و مغرف كبار و نص سكر زيدى فوقهم كوب و ثلاث ارباع حليب سائل دافى و ربع الكاس ماء زهر يعنى زوج كيسان اينوكس بين الحليب و ماء الزهر و اللى ما تحبش ماء الزهر تعوضو بالحليب يعنى زوج كيسان حليب
خلطى الكل مليح مليح بالباتور
وزيدى 1كلغ بالضبط فرينة من دون زيادة و لا نقصان و زيدى 1خميرة نتاع القاطو و مغرف ثانية = من خميرة الخبز
خلطى من غير ما تعجنى بملعقة خشبية رح تتحصلى علي عجينة تلصق خليها فنفس الصحن
وغطية بكيس بعدها منشقه
وخلى العجينة تتخمر نص ساعة فمكان دافيء
ادهنى زوج سنيوات نتاع الفرن بالزبدة و ادهنى يدك مليح بالزيت و اقسمى العجينة علي السنيوات الزوج
زيدى ادهنى يدك و حلى العجينة فالسنيوة حتي تولى قيسها سقميها مليح راهى تاخد شوية و قت لان العجينة طرية بزاف و ايلاستيك
ادهنى الوجة بصفار البيض و رشى الجلجلان و السينوج
زيدى خليها تتخمر مرة تانية ربع ساعة فمكان دافء و هدا امر مهم و يعمل فرق بعدها انقبى القرصة بفرشيطة و دخليها تطيب
ماتاخدش و قت كثير
ومبعد قدميه
وبالصحة و العافيه
ادعوليييييييييييييييييييييي
- أنواع خبز الدار
