كيفية بريانى الدياي
اول شى الدجاج تنقعينة بالمية و الملح و الليمون…والخل و عقب اتبهرينة و اتقلينه
عقب ما يخلص الدجاج لاتغيرين الزيت نفسة هو حطى علية شرايح البصل عشان ياخذ نكهة الدياي
عقب اطلعين الدجاج و البصل
وعقب ما يخلص البصل نظفى الزيت حطية فكاسة و ارجعى بنوتة فالقدر و حطى بس الطماط لين يذوب
وبالتاكيد العيش اتحطينة عالنار و فية سنوت الهندى بتاع البريانى و القرفة و الهيل و القرنفل و الفلفل الصغير
عقب اشخل العيش
بالتاكيد هذة خلطة الروب تحت العيش عبارة عن 4 روب صغير المراعى …والثوم ..والكزبرة مع النعناع و الكريبة و الفلفل
عقب احط الروب فالقدر و احط علية البهارات…واخلط و البهارات هي( ملح-بزار هندى كركم ثوم 4 معالق و قرفة مطحونة شوى و حبهان مطحون و كرم ما سالا و بهار البريانى الهندي..)
عقب احط الدياى المقلاي
وعقب احط البصل المقلاى و الطماط المشوى احطة فوق خلطة الروب عالنار..
عقب جى يصير و خلية عالنار
وعقبها اخلية ينطبخ لين يصير لونة بني…وبالتاكيد ما انسي الفلفل و الكريبة و الكزبرة …
وعقب احط فالقدر ما ل العيش طبقة من العيش و عقب خلطة البريانى و عقب العيش و احط علية ليمون فطاسة مع صبغة البريانى و اصبة فوقه…مع البصل المقلى و الكزبرة و النعناع…واحط علية 4 معالق صغار من السمن و اغطية و اخلية ينطبخ علي نار هادية ..
