كيفية تتبيل السمك الفيليه
المقادير:
4 قطع سمك فيليه
ملعقة كبار بصل بودرة (او بصل مفروم)
ملعقة كبار ثوم بودرة (او ثوم مفروم)
2 معلقة صغار بشر ليمونه
½ معلقة صغار زعفران
ملعقة صغار كزبرة جافه
ملعقة صغار اوريجانو
½ كاس عصير ليمون
ملعقة صغار كركم
ملعقة صغار شطه
ملعقة كبار بابريكا
ملح و فلفل اسود
½ كاس زبدة
الكيفية :
1- ذوبى نصف كمية الزبدة فو عاء صغير مع الكزبرة و الكركم و البصل البودرة و الثوم البودرة و الزعفران و الاوريجانو و الشطة و البابريكا و ملح و فلفل حسب الرغبة ، و قلبيهم لغاية ما يختلطوا مع بعض و ارفعية من علي النار.
2- ضعى الخليط فطبق و ضيفى علية معلقة بشر ليمون و قلبيهم مع بعض، و بعد كدة و زعية كويس بايديك علي السمك من الجانبين، و سيبية فالتلاجة مدة ساعة علشان يتبل كويس.
3- ذوبى باقى كمية الزبدة و حمرى بها السمك لغاية ما يبقي لونة ذهبى او لغاية ما يستوي، اخرجى السمك من المقلاة من غير الصوص اللى نزل منة و حطية فطبق.
4- حطى عصير الليمون علي صوص السمك اللى فالمقلاة ، و ضيفى عليهم معلقة بشر الليمون التانية و قلبيهم مع بعض، و ارفعى بعد كدة الخليط دة من علي النار و تبلية بكمية ملح مناسبة لو احتاج، و سيبية لغاية ما يغلى و قوامة يتقل شوية .
5- رصى قطع السمك فطبق التقديم و صبى فوقة خليط الليمون و قدمية مع رز السمك.
صحة و عافية
