كيفية سفوف بجميع خطواته
*-500غ اللوز مسلوق و مقلى و مهرمش
*-500غ جنجلان منقى و محمر و مطحون
*-500غ الزبدة سبيسيال مدوبه
*-350غ سكر كلاصى نوع ممتاز
*-500غ عسل زمزمى (ضروري)
*-كيلو طحين فورص محمر و مغربل
نصف رابعة نافع البلدي=125غ منقي و مطحون و مغربل
*-معلقة صغار القرفه
*-3درهم المسكة حره
*-حبة كوزه
بعد ما يتغسل جنجلان و ينشف و يتنقى
تنحمرة فكسرولة من اقوى باش ما يبقش يطير عليا نولى ضربة هههههه
كنتركة يبرد مزياان و نقصو منو زلافة صغار
تنطحنو نافع البلدى و نغربله
تنعملة فاناء كبير شيئا ما و تنظيف لية جنجلان اللي حتفضت بية بلا طحين
وباقى تنطحنو مزيااان و نضف علي مكونات سابقة
اللوز حتي هو من بعد ما تسلق و نشف و تقلي تنهرمشة فقط ما تنطحنوهش
كنحك الكوزه
كنضيف القرفة
وكنندق المسكة الحرة بهاد كيفية باش ما ضعش ليا فخلاط كهربائي
وكنغربلها
كنضيف سكر كلاصى يستحسن يصبح ما ركة ما شى نتاع لعبار حتي هو مع باقى مكونات
وكنخلط الكل جيداااااا و نحاول نفك كويرات اللي غادى تتكون لينا
كنترك الخليط جانبا و نمشى نحضر طحين
كنخد الكمية مدكور و نعملها فكوكوط علي نار متوسطة او مهيلة باش يتحمر علي خاطرو
كنبقو نحركو بستمرار و نعمل نفس العملية اللي ضاهرة فصورة
ملاحضة
ما لازمش يتحمر بلاقياس لانو كيجى سلو اللون ديالوغامق و مداق كيكون مر مع المدة لهدا غير يدهب اللون فقط
كنترك يبرد و كنغربلو مزياان
ونحك هاد كويرات
وكنضيف للخليط الاول
كنمزج الكل جيدا مرة اخرى
وكندوب الزبدة و نزل منها ماء اللي تيبقا فقعر كسرولة و من بعد تنظيف لعسل و نرد الكل فوق نار باش يدوب لعسل مزيان
وخليط زبدة و لعسل ما زال سخون تنصب مباشرة علي خليط
ونرد البال لان درجة حرارة تتكون مرتفعة
وندلك الخليط فحال اللي تندلك العجين باش يشرب سوائل مزياان
ها هو و اجد
كنترك يبرد مزياان و نعملة فعلبة من بلاستيك
وممكن نحتفض بية فمجمد كصبر اكتر من سنة
