كيفية عمل الفراخ المشوية بالصور
المقادير
فرخة كامله
1/2 كاس زبده
2 معلقة كبار زعتر
2 معلقة كبار عصير ليمون ( ليمونة كاملة كبار )
بشر ليمونه
كسبرة ناشفه
بهارات
ملح و فلفل
نجيب الفرخة و نغسلها كويس اوي
وانا هنا جبت فرخة بلدى لانى بحب البلدى جدا
بس براحتك لو بتحبى الفراخ البيضا مفيش مشكله
بس الفرخة تكون صغار مش كبيره
علشان ما يكونش بها دهون و كمان تستوى بسرعه
ونفصل الجلد عن اللحم
بعد كدة نعجن الحشوة مع بعضها
وعلي فكرة بالنسبة للناس اللى بتعمل ريجيم ما يخافوش خالص من الزبدة اللى هتحشوا بيها الفراخ
هى هتدى لون ذهبى بس للجلد من بره
وهتسيح و هتنزل كلها مع الصوص
وممكن تكبيها بعد ما الفرخة تستوي
غير كدة احنا بنشيل جلد الفراخ عند الاكل
بعد كدة نجيب صينية نخرط بها بصلة كبيره
وتكون متبلة بالملح و الفلفل
وممكن نحط عليها اعواد زعتر
بعد كدة نتبل الفراخ و نحشيها بالحشوة من جوا
مابين الجلد و اللحم
ونكتفها كويس جدا
نلف الجناح من و را عكسي
والوراك يمكن ندخلها فالفرخة نفسها او نلفها بخيط دوباره
ونحطها فوق البصل فالنصف
ندخلها فرن يصبح متسخن قبل كدة و نسيبها مدة 10 دقيقة علي نار عاليه
ونخرجها تانى نلفها بورق سيلفر
بعد كدة ندخلها الفرن علي نار متوسطه
نسيبها مدة نص ساعه
و ثم نهدى عليها النار و نسيبها تستوى براحتها على الهادي
- فراخ مشوية بالفرن
- صور فراخ
