كيفية عمل سمك فيلية مقلي
- الكمية تكفي: 4 اشخاص
- وقت التحضير: 45 دقائق
- وقت الطبخ: 20 دقائق
- المقادير: كيلو سمك فيلة 5 فصوص ثومكبيرة نصف فلفلاية خضراء ليمونة كمون ملح كسبرة ناشفة بهارات سمك لو موجودة شطة للى بيحب بيضة دقيق مبهر بالملح و بهارات السمك
- التحضير: هنجهز التتبيلة بتاعتنا نفرم الثوم و الفلفل الاخضر و نضيف عليهم جميع التوابل و عصير اللمونه
هنجيب السمك و نشطفة كويس اوي - الطبخ: و نقطع السمك قطع مناسبه
و ثم نتبل بيهم السمك كويس اوى و نسيبة فالتلاجة يتبل مش اقل من ساعتين
المهم اتبل و بقى زى الفل نبتدى بقى نجهزه
هنجيب بيضة و نخلطها مع شوية زيت و ملح و فلفل
ونجهز الدقيق بتاعنا
ونجيب السمك و نحطة فالدقيق
و ثم نحطة فالبيض
ونرجع تانى نحطة فالدقيق و على فكرة يا قمرات يمكن نستخدم بقسماط مفيش اي مشكله
ونكرر العملية لحد ما نخلص كمية السمك
وممكن نقلية على طول و يمكن نسيبة فالتلاجة نصف ساعه
المهم هنجهز الطاسة بتاعتنا و نحط بها زيت غزير و يصبح سخن اوي
ونحط بها قطع السمك لحد ما تاخد لون ذهبى جميل
ونطلع السمك على و رق المطبخ
وبس كده
شوفتة الكيفية سهلة كيف
والطعم حكاية جربوة على ضمانتي
ممكن نعمل جنبة رز بالبصل و سلطة طحينة و سلطة خضراء او سلطة طماطم
والف هنا و شفا
