لسان عصفور باللحمة المفرومة
اولا بقي انا عايزاكو تقولولى رايكو بصراحة لانى فعلا بتعب جدا جدا علي مبنزل الموضوع
خليكو معايا بقي هقولكو اسهل و احلي كيفية لصينية اللسان عصفور
بصو بقى
سمو الله الاول
اولا
هنجيب ربع كيلو لحمة مفرومة و نعصجة بالتاكيد كلنا عارفين كيف بس بردة هقول للى مش عارف
هبنشر بصلة كبار و نحمرها فالسمنة فحلة و اول ما تصفر البصلة نحط فلفلاية رومى مبشورة و يمكن فلفلاية بتحرق للى بيحبها مشطشطة و علي طول نحط اللحمة و نقلبها بها شوية و ثم نزودلها شوية مية صغننين مش كتير لانها هتنزل ميتها و يمكن كمام نحطلها طمطماية مبشورة للى بيحبها بالصلصة او يمكن ملعقة صلصة و نسيبها تستوى و يمكن نزود مية تانى لو لاقينا ميتها نشفت و لسة مستوتش و بس سيبوها تستوى علي منخلص
ثانيا
هنجيب الصينية الروعة بتاعتنا اللى هنعمل بها الوصفة
ونحط بها شوية زيت او سمنة للى بيحب السمنة انا بحط حبة من دى و حتة من دي
ونحمر كيس اللسان عصفور علي نار هادية علشان ميتلسعش مننا
وبعد ما يتحمر نحط علية الشوربة بتاعتنا و ملعقتين صلصة و لو معندكيش شوربة يمكن تحطى مكعبين ما جى و مية و الصلة بتاعتنا
[
ونكون عصرين طمطماية و نحطها عليهم برده
ونسيب اللسان عصفور يستوى شوية فالطماطم و بعد ما يستوى شوية نحط عليها اللحمة المفرومة لما تكون استوت و لو ميتها نشفت نزودها شوية شوربة لغاية متستوي
و ثم لما تستوى كدة ناخدها زى الشاطرين و نحطها تحت الشواية بس نكون حاطين علي و شها حنة سمنة او شوية زيت صغننين و بسسسس
هتتطلع روعة و زى الفل و هتبقي كده
وبعد ما غرفتها قلت اعملكو زوم عليها علشان تشوفو شكلها و تستطعمو
- لسان عصفور باللحمة المفرومة