يوم 15 أغسطس 2020 السبت 4:32 صباحًا

طريقة عمل الكبة السورية الاصلية

طرق عمل الكبه السورية الاصلية

صور

مقادير عجينه الكبه

– كيلو برغل ناعم

– نص كيلو لحمه مفرومه ناعمه

– بصله صغيره

– بهارات كمون ملح خفيف

والملح الخفيف لانو احيانا بيبقى البرغل اصلو مملح

الان مقادير الحشوه

– كيلو لحمه اما ناعمه مفرومه او ناعمه فقط على السيخ

– صنوبر

– لوز

– جوز

– سمنه

– بصله

=======================

نبدا الان بتحضير العجينه تبع الكبه

شوفوا

كل كيلو برغل ناعم بدو نص كيلو لحمه ناعمه مفرومه على الماكينه

اوكي

هلا بتجيبي البرغل فقط

وبتنقعيه بماء بحدود الثلاث ساعات ( و الزمن بيرجع لنوعيه البرغل ))

يعني مو تكتريلو مي

انتبهي يعني تتبيل

حتى فقط البرغله تصير طريه و مو تبقى خشنه و صلبه

———————-

هلا بعد مو مضو الثلاث ساعات تبع البرغل

انتي لح بتلاقي انو البرغل صار طري

بتجيبي البصله و بتفرميها ناعم جدا جدا او بتبرشيها

و ثم بتجيبي البرغل و بتخلطي البصله معاه

وبتحطيه بالماكينه الخاصة للكبه

واللي هي مو موجوده عندي للاسف

وبتفرميه

بيطلع عندك متل العجينه طريه

هلا

بتاخدي العجينه و بتضيفي عليهم التوابل المذكوره بالمقادير

وبتظبطي ملحهم كويس

لانو سبق و قلت لك انو احيانا بيجي البرغل من اصلو مملح

وبتعجني كويس بايدك

بتعجني بتعجني بتعجني

حتى لو تعبتي اتحملي

و ثم غطي العجينه حتى مو تنشف

هيك خلصنا من العجينه و ارتحنا

======================

هلا بنعمل الحشوه

واكيد الحشوه لازم تكوني عاملتيها بالوقت يلي بيصبح البرغل به منقوع

الحشوه

بتفرمي البصله ناعم كتير

وبتهوسيها على الغاز حتى تحمر بسمنه

وبتضيفي عليها اللحمه و بتبقي عم تهوسي حتى تستوي اللحمه

هلا صارت اللحمه جاهزة اوكي

بتجيبي الصنوبر و بتقليه و بتهوسيه حتى يشقر

واللوز نفس الشئ

اما الجوز بتخليه ناشف بدون تهويس

او اذا بتحبي هوسيه

بس نحنا بنخليه ناشف

هلا ضيفي كل اللحمه فقط فقط فقط

وبتحطيها بداخل مصفاه

حتى فقط تصفي كل السمنه يلي فيها

لسبب ؟

واللي هو انو اذا بقت السمنه بقلب اللحمه لح تخلي الكبه تفلش و تخرب

)

هلا بعد مو صفت اللحمه كل سمنتها

واكيد اكيد بتكون اللحمه سخنه مو باردة لما صفيتيها

صارت اللحمه جاهزة بدون سمنه بتضيفي عليها اللوز و الصنوبر و الجوز

وبتحطي البهارات يلي بدك ياها و بتظبطي ملحها كويس

وبتحطي الها معلقتان كبيرتان دبس رمان

(( ذلك بيعطيها طعمه حامضه ))

وعلى حسب مو بتحبي الحمض حطي

يعني 2 معلقه او اكتر حسب االي بتحبيه

هلا صارت الحشوه

=====================

صار وقت الكبكبه

بتكوري القرص و بتحشه بالحشوه

ولازم كل فتره و فتره تغسلي ايديكي

وادهني باطن كفك بماء مضاف اليه نشاء

حتى يتماسك قرص الكبه

ومن بعدين اقلي الكبات

بزيت يصبح حار جدا جدا جدافي البدايه

بعد مو تحطي القرص بالزيت بعد بشويه نوصي الغاز

حتى مو تستوي الكبه من برا و تبقى من جوه نيه

ولا تكتري بالمقلاه عدد كبير

يعني خليهم من اثنين الى ثلاث كبات

=========================

ملاحظه

1 لازم العجينه تكون كل فتره عمل الكبه مغطايه حتى مو تنشف

2 و الكبات يلي كورتيهم حطيهم بصينية و غطيها بكيس نايلون من بداية الصينيه

يعني مو تعرضيهم للهواء ابدا

حتى مو ينشف القرص و يفلش بالقلي لاسمح الله

3-اذا حسيتي انو القرص قبل مو تحطيه بالزيت مفلش شوي

ظبطيه بايدك و تكون مبلوله بماء نشاء عادي

وبيركز و حطيه بالزيت

  • كبة سورية

1٬205 views