مقادير العجينة :
3 كاسات دقيق ابيض (دقيق حلويات يا قمرات)
ملعقة صغار ملح
معلقة و نصف متوسطة الحجم خميرة فورية او لو مفيش خميرة فورية اعملي بالخميرة العادية ملعقتين علشان الجو برد و هنحتاج تتخمر العجينة اسرع شوية .. و لو استعملتي الخميرة العادية تاخديها كدا فكوباية صغار و تدوبيها فشوية سكر و ملعقة مية علشان تبقي مجهزها للاستعمال يعنى
ملعقة طعام سكر
4 ملاعق طعام حليب بودرة (انا بستخدم لبن نيدو)
فنجان زيت
كوب ماء دافىء (علشان يرفع العجينة بسرعة و تخمر فاسرع و قت لان احنا فالشتاء)
الحشوة :
كوب صلصة ثقيلة متسبكة علي النار (بصل يقلي فشوية زيت بعدها تضاف اربع طماطم مخلوطة فالخلاط مع معلقة كبار معجون الطماطم(صلصة طماطم جاهزه) و 4 ثوم الي البصل، بعد ان يقلى، و تتسبك جيدا )
2/1 كاس شرائح زيتون (سواء زيتون اخضر او اسود زي ما تحبى)
2/1 كاس فلفل رومي
كوب جبنة مبشورة (انا بعمل جبنة رومي و لو متوفر عندك جبنة موزريلا يبقي حلو اوى)
نيجي بقي للكيفية يا حلوين ابتسامة
الكيفية :
تنخل المكونات الجافة معا (يعني الدقيق مع لبن نيدو مع الملح و السكر) و دا علشان الهواء يتخللها و متبقاش العجينة مكتومة يعني و تنفش معاكى
يضاف الماء و الزيت و الخميرة و يعجن جيدا حتي تتكون عجينة متماسكه
وافضلي اعجني بها حوالي 10 دقايق كدا لان العجن الكويس للعجينة دا الاسباب =الرئيسي ان عجينتك تكون ناجحة و كويسة اوى
غطيها بقي بكيس بلاستيك علي و ش العجينة كدا و حطيها فمكان دافىء علشان تخمر بسرعه
انا بغطيها بكيس بلاستيك من و شها و بلف الوعاء اللي عجنت فية فالبطانية و سيبيها كدا حوالي ساعتين و نص
وبعد بالتاكيد السعاتين و نصف دول هتكون الخميرة حجمها اتضاعف و كبرت
انا المقدار دا بيعمل معايا صينية كبار و صينية متوسطة قولي صينية و نصف كدا
ثم تجيبي الصينية و تفردي بها العجينة بس تكوني داهنة الصينية بزيت ذرة علشان تطلع بسهولة معاكي لما تستوى
بعد كدا تجيبي الصلصة بتاعتها اللي انتي حضرتيها و تبداي تدهني و ش العجينة بعد ما فردتيها في الصينيه
ثم ترشي الجبنة الرومي علي الصلصة و ثم تحطي حلقات الفلفل الرومي و الزيتون و ترصية بشكل حلو كدا و ثم يا ستي دخليها الفرن ……
هيا بالظبط بتاخد تلت ساعة بالظبط و مش بتزيد عن 25 دقيقه
المهم بعد مرور 15 دقائق افتحي الفرن و بصي عليها و تابعيها برضه
وبالهنا و الشفا
